Stabilimenta Rhodiorum militum - French version

based on the printed edition Paris 1493/1495 by Pierre Le Dru

© Jyri Hasecker, Hamburg / Jürgen Sarnowsky, Hamburg (2007/2022)

025-Reception 15

---

[d3v]

   Frere Anthoine Fluvian maistre
xv. De l’eage de ceulx qui doibvent estre receuz
Nul frere presume recevoir aulcun à profession de nostre religion et de luy donner l’abit sinon que celluy qui devra estre receu ayt accomply le quatorziesme an de son eage, car en nostre ordre n’est point octroyé l’an de probation par legittime et justes causes, et est chose vaine iceulx deputer à religion qui ne se pevent abstraindre par veux et desquelz les forces ne pevent faire service à nostre ordre et defense de la foy catholicque. Pource que l’eage puerile est tendre et debile, pourtant ceulx qui au quatorziesme an seront receuz ne doibvent user d’ancienneté ne avoir souldée, mais seulement prendre du tresor table et vestiaire jusques à tant que auront comply le xix. an de leur eage. Car l’exercice des armes requiert force de corps et vigueux [d4r] de couraige, pourtant ceulx qui ne sont ydoines aux services ne doibvent joyr des prerogatives.

---

Next Reception 16 | Back to the Contents