Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
026-Reception 16
[d4r]
Frere Anthoine Fluvian maistre
xvi. Que ceulx qui doibvent estre receuz en freres chevaliers soient presentez au prieur et chappitre ou assemblée provinciale
Il est chose absourde estre deceu en la reception des freres. Pourtant, à eviter toute deception, nous establissons que frere de nostre ordre, de quelque condicion qu’il soit, ne reçoipve par aulcune maniere freres chevaliers, en vigueur de quelque licence que ce soit, sinon que premier ceulx qui devront estre receuz soient presentés au prieur et chastellain d’Emposte et chappitre ou assemblée provincial ; et s’il le reçoipvent sera prieur ou chastellain(a) d’Emposte que le presente au chappitre ou assemblée où soit faicte diligente information de la nativité, gentillesse, meurs ou disposition de ceulx qui devront estre receuz ; et quant seront congneuz estre gentilz hommes, legittimes et ydoines selon la forme des establissemens que adonque puissent estre receuz. Il est convenient que ceulx qui sont deputez à la deffense de la foy catholicque ayent bonnes meurs et digne disposition de la personne, et que soyent sains d’entendement et de memoire, et que ne soyent obligiez à veux d’autre religion ne à mariage ou griefve debte. Qui contre la forme d’icelluy establissement sera receu doye retourner à degré de frere sergent d’office.
Next Reception 17 | Back to the Contents