Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
012-Reception 2
[d1v]
Usaige
ii. De la qualité et degré de ceulx qui doibvent recevoir à prosession
Nostre religion tient trois degrez de suppostz et religieux, c’est assavoir chevaliers, prestres et sergens, aulcuns d’armes et aultres d’office. Et pourtant celluy qui soubz le degré de chevalerie ad ce ydoine selon la forme des establissemens et coustumes demandera estre receu à profession de nostre ordre est necessaire soit de l’ordre de chevalerie devant que recoyve l’abit et face la profession. Et pourtant se n’aura receu les signaulx de chevalerie d’aulcun prince catholicque ou d’autre qui tient puissance de donner chevalerie, en tel cas doye recevoir la dicte chevalerie du frère chevalier qui recevera sa profession ou d’autre frère chevalier selon la coustume que se observe en donnant chevalerie, et puis en la manière dissudicte face la profession. En oultre n’est pas necessaire, ne usé, ne ordonné que les frères chappellains et sergens d’armes ou d’office recoyvent la chevalerie, mais sans icelle soient receuz à profession en degré de prestre ou de sergent.
Next Reception 3 | Back to the Contents