1511.10.11.

Frater(a) Emericus etc. R[everendissi]mo in Christo patri et domino fratri Leonardo de Balestrinis Dei et apostolice sedis gratia archiepiscopo Colossensi sive Rhodi nostri ordinis professo salutem in domino et prosperos advota sucessus.

Assidua eademque grata obsequia, que nobis hactenus prestitistis, presertim in nuper nostra adversa valetudine preterita, et que in dies prestare non cessatis, promerentur ut animum nostrum(b) erga personam vestram gratum et favorabile ostendamus.

Ut igitur cum relaxandi gratia locum nostre urbe vicinum et ad id idoneum habeatis, viridarium itaque seu hortum per obitum quondam fratris Martini Paschiera ad nos devolutum et magisterio nobis commisso, spectantem et pertinentem situm in castellania Rhodi et regione Chippurie in contrata Sancti Michaelis alias tu ayu straticu megala richellia his confinibus limitatum, videlicet a parte levantis via publica, a meridei viridario sive possessione Coste Syropuli, a ponentis horto Michaelis aya Psichi, a tramontane partim via publica, partim viridario Georgii Magna, circa undique muris conctum cum omnibus suis habitationibus, puteo, mangano, animalibus dicto mangano deputatis et cum aliis suis juribus et pertinentiis dicto viridario quomodolibet spectantibus et pertinentibus sive spectare et pertinere debentibus et cum quibus dictus frater Martinus habuit, tenuit et possedit [...] vobis vita vestra durante harum serie conferimus, concedimus et donamus sub solutione anui(b) census unius floreni monete currentis Rhodi nobis et nostris in magisterio successoribus per vos fienda in recognitionem dominii et superioritatis. Et vobis vita functo viridarium ipsum ad magisterium eo ipso et incontinenti cum omnibus et singulis suis melioramentis, que in ipso tunc temporis reperientur, revertentur, omnia alia condictione reiecta, dantes et concedentes vobis tenore presentium realem et corporalem dicti viridarii ac plenam facultatem ipsum usufructandi, tam per vos / (17v) quam vestros deputatos quousque vitam duxeritis in humanis talem, qualem nos habemus ac totaliter vices nostras. Man[dantes] et pre[cipientes] uni[versis] et sin[gulis] d[icte] do[mus] nostre f[ratribus] q. an. di. os. q. fun. presentibus et futuris ne contra presentis nostris litteras donationis aliquatenus facere vel venire presumant, quinimmo ipsas inviolabiliter observent.

In cuius magistralis plumbea etc.