1511.09.23.

Frater Emericus [...] fratri [...] Stephano Robert nostri ordinis et prioratus Francie cappellano salutem in domino [...].

Quia divinus cultus in ecclesia nostra conventuali Sancti Johannis Colachi Rhodi indiget sacerdotibus bonis moribus et honestate vite preditis atque in divinis expertis, nos, qui huis religioni, licet indigni, divina cooperante clementia sumus prepositi, volentes ea adimplere, que ad laudem Dei tendunt et habentes a fidedignis / (7v) probam relationem de sufficientia vestra, auctoritate magistrali fugentes cum deliberatione nostri venerandi consilii de nostra certa scientia vos tenore presentium citamus, vocamus, monemus et hortamur in virtute sacre obedientie districtius precipiendo, ut in termino novem mensium a die quo huiusmodi nostre littere vobis fuerint presentate computandorum, quorum tres pro primo, tres pro secundo, tres pro tercio ultimo et peremptorio terminis assignamus, compareatis hic in Rhodo coram nobis personaliter, divinis in dicta ecclesia serviturus, prout tenemini, viso, quod nunquam Rhodum accessistis, et hoc sub pena privationis habitus ordinis nostri et beneficiorum, casu, quo his nostris litteris, quod non arbitramur, non parueritis, nam si transacto dicto termino huc non comparueritis, contra vos procedemus, procedique faciemus ad penas antedictas, vestra contumacia in aliquo non obstante.

Taliter ergo etc. In cuius etc. In cera etc.