1511.09.23.

Frater Philippus de lIsleadan sacre domus Hospitalis Sancti Johannis Hierosolymitani humilis baiulivus Moree ac preceptoriarum de Troyes, Santmalvis et Lanuoy prioratus Francie preceptor r[everendissi]mique domini magni magistri Rhodi et dicte domus magnus senescallus religioso [...] fratri Roberto de Flandres dicte domus et prioratus antedicti cappellano salutem  [...]
Vite honestas [...] nos inducunt ut personam vestram promovere studeamus. Quum itaque cappella Sancti Joannis in ecclesia Sancti Joannis preceptorie nostre prefate de Lanuoy constituta nobis legitimo et canonico preceptori spectet et de eadem ad nostrum beneplacitum disponere valeamus, igitur cappellam / (7r) antedictam Sancti Joannis, cum onere missarum quinque qualibet hebdomoda in dicta cappella per vos celebrandarum secundum fundatoris ordinationem et institutionem et ad fines in dicta ordinatione contentos, vobis vita vestra durante tanquam digno et sufficienti tenore presentium conferimus, concedimus et donamus [...] vosque in dicta cappella cappellanum per presentes nominamus, elegimus et creamus cum emolumento et helemosyna librarum Parisiensium vigintiquinque quolibet anno per vos a nobis et nostris in dicta preceptoria successoribus percipiendorum secundum fundatoris ordinationem, rogantes in domino universos et singulos dicte domus nostre fratres presentes et futuros ut vos tanquam legitimum dicte cappelle cappellanum tractent et ab aliis tractari faciant.

In cuius rei testimonium sigillum armorum nostrorum, quo in talibus uti consuevimus, presentibus est appensum.