1511.07.31.

Grata obsequia, que in dies nobis prestas, promerentur, ut tibi reddamur ad gratias liberales.

Quum igitur quondam frater Petrus Rocherichet nostrum ordinis professus teneret et possideret in urbe nostra Rhodi quandam domum sitam et positam in monte molendinorum post ecclesiam Eucholiatesse, que confrontatur a parte meridiei cum domo Joannis Jallari, a ponente cum via publica, a tramontana cum domo Emanuelis tis Pagnif, et a levante cum domo Papadie tis Pagnis; item quandam apothecam sitam in via vendencium panem grece dicta Psomopulia, qu confrontatur a parte meridiei cum apotheca volante Roderiches / (55v) uxoris tue, a parte levantis via publica, a parte tramontane apotheca quondam < > Loysii Atanasio, et a parte ponentis, hoc est post dictam apothecam, cum cholo Duchene tu Zoyi, per eius mortem ad magisterium dicte domus et apotheca sunt devolute, tum quia nostri ordinis professus erat, tum autem de capitulari ordinatione statuente, quod omnia bona stabilia, que religiosi nostri in urbe et insula Rhodi possident, per eorum decessum ad magisterium devoluntur et incorporentur.

Quare nos dictas, domum et apothecam, tanquam bona vacantia et religiosi nostri jure exalimaticis [?] secundum stilum Rhodi nobis vendicamus per presentes, et ut tu aliquam fructum et servitiis, que nobis et religioni nostre prestas, senticis et in futuram ad eadem prestanda servitione officiaris, de nostra certa scientia et speciali gratia tibi et tuis liberis utriusque sexus ex te et dicta Violanta susceptis et in futurum suscipiendis et eorum descendentibus per imperpetuum damus,. concedimus et donamus dictam domum suis confinibus limitata cum onere censuarum consuetarum magisterio exolvendarum atque etiam sub annua solutione florenorum Rhodi currentium trium per te et tuos successores ecclesie Sancti Anthonii, chimiterii nostri conventus Rhodi, sub substentatione divini cultus in dicta ecclesia in refrigerium animarum dicti quondam fratris Petri Roderichet, suorum patris et matris per te annis singulis infallibiliter complenda et fienda, dantes tibi et dictis filiis et eorum successoribus auctoritatem et postestatem cum predictis condictionibus et non aliter nec alio modo posse de dicta domo ad tuum et eorum beneplacitum disponere et ordinare et omnia in eadem facere, que ad vere domini spectant officium.

A apothecam autem supradictam nobis et magisterio reservamus, mandantes et percipientes universis et singulis d[icte] do[omus] n[ostre] f[ratribus] q[uecumque] au[ctoritate], di[gnitate] of[ficium]q[ue] fun[gentes] pr[esentibus] et fut[uris], ne contra presentes nostras litteras aliquatenus facere vel venire presumant, quinimmo iuxta earum mentem et seriem studeant inviolabiliter observare.

In cuius etc. magistralis plumbea etc.