1511.03.14.

14 March, 1511
The Master Fr. Émery d'Amboise and the Convent / Council to Fr. Jacques d'Aymer: bestowal of the office of the treasurer, as successor of Fr. Pierre de Bosque Rotonde. - NLM Arch. 400, fol. 215r. Register. - J. Sarnowsky, Macht und Herrschaft im Johanniterorden des 15. Jahrhunderts, Münster 2001, n. 22, pp. 636-37.

Frater Emericus etc. et nos etc. Venerando etc. fratri Jacobo Aymer preceptoriarum nostrarum della Landa prope Verze et Temple della Rochiella camere nostre magistralis prioratus Acquitanie preceptori salutem etc.

Digne credimus agere si viros virtutibus ornatos et rerum experientia edoctos atque de nostro ordine benemeritos ad celsiores gradus dicti ordinis promoveamus, ut dum digni fructus dulcedine se refectos conspexerint ardentiores ad ipsius ordinis agenda promovendum reddantur. Sane quum vos iam diu in nostro conventu Rhodi et orientali plaga versatis fueritis et religioni nostre immo christiane rei publice tam terra quam mari laudabilia eademque fructuosa obsequia prestiteritis, merito inducimur, ut personam vestram tanquam dignam ad sublimiores gradus promovere studeamus.

Baiuliatum itaque capitularem thesaurariatus generalis ordinis nostri nostre dispositioni spectantem et pertinentem per promotionem venerandi fratris Petri de Bosco Rotundo ad prioratum nostrum Campanie cum omnibus et singulis suis iuribus, emolumentis, stipendiis, prerogativis et preheminentiis cum quibus p[redic]ti baiuliatus baiulivi hactenus illum habuerunt, tenuerunt et possiderunt sive habere, tenere et possidere quomodolibet debuerunt, habendum, tenendum, exercendum et gubernandum in omnibus dicto baiuliatu spectantibus et pertinentibus invicem maturo et deliberato consilio de nostra certa scientia vobis tanquam digne virtutibus predito et de nostra religione benemerito, servata forma stabilimentorum nostrorum, serie presentium damus, conferimus, concedimus et donamus, benefaciendo in eodem, vosque thesaurarium generalem ordinis nostri cum gradu, loco, prerogativa, preheminentia et voce activa et passiva ceterorum baiulivorum et dicto baiuliatui spectante creamus, dicimus et harum serie nominamus.
Mandantes universis et singulis dicte domus nostre fratribus quacunque auctoritate, dignitate officioque fungentibus presentibus et futuris in virtute sancte obedientie, ut vos pro thesaurario generali dicti ordinis habeant et reputent ac ab aliis habere et reputari faciant et contra presentes nostras litteras aliquatenus facere vel venire non presumant, immo ipsas inviolabiliter observent.

In cuius etc. communis plumbea etc.

Datum etc. die 14a Martii 1510 ab incarnatione.

___________________________________________


first adaptation 31.07.2002 Jürgen Sarnowsky / revised 14.11.2008 /
status: proofread /
for any comments: send me an e-mail Juergen.Sarnowsky@uni-hamburg.de  (Jürgen Sarnowsky)


Back to the Calendar for 1511