1510.11.04.

04 November, 1510
The Master Fr. Émery d?Amboise orders to review the registers of the order by the vice-chancellor to find out which rights had been granted to the late administrator of the preceptory of Cyprus, Fr. Marco Maripetro; this will be used when a successor is nominated. - NLM Arch. 400, fol. 209r-v. Register. - J. Sarnowsky, Macht und Herrschaft im Johanniterorden des 15. Jahrhunderts, Münster 2002, n. 20, pp. 634-35.

Frater Emericus etc. et nos etc. Universis etc. salutem etc.

Qu[u]m magna preceptoria nostro Cipri per obitum quondam fratris Marci Maripetri ipsius preceptorie ultimi legitimi possessoris et administratoris ad nostram dispositionem esset devoluta, de eadem providimus prout litteris super inde confectis latius constat et apparet pro parte venerandorum procuratorum nostri communis thesauri. Pro indemnitate dicti thesauri fuimus requisiti, iuberemus nostro vicecancellario infrascripto, ut litteras collationis sive provisionis super administratione dicte preceptorie eidem quondam fratri Marco concessas et a nostra religione emanatas perquireret diligenter et tandem inveniret.

Quare de nostro mandato et ordinatione fuerunt vocati et citati hi, quorum interest ad videndum scrutari et perquiri registra. Et post diligentem scrutationem super hoc in presentia predictorum factam prefatus noster vicecancellarius Bartholomeus Policianus nobis rettulit et sub sacramento fidelitatis, quod in adeptione officii vicecancellariatus nostre religioni prestitit, veridice affirmavit se reperisse in registro bullarum nostri conventus et magisterii annorum 1483 et 1484 in folio 178 et 179 concordiam et pactum initum inter tunc bone memorie fratrem Petrum d'Aubusson nostrum in magisterio predecessorem ex una et procuratores dicti quondam fratris Marci ex altera partibus super administratione dicte preceptorie Cipri, / (209v) que est de verbo ad verbum, nil addito aut mutato tenoris sequentis: Cum cio sia cosa, che questi giorni passati etc. [ - ] pone totam concordia[m] usque: Et che sia data licentia del fare fratre. Datum ut supra.(1)

Deinde perquesivit registro annorum 1486 et 87 et successione de anno in annum usque ad annum 1500 septimum, et rettulit se non invenisse aliqam aliam collationem aut provisionem dicte preceptorie factam in favorem aut in personam prefati quondam fratris Marci Maripetri.

Et quia veritas sic se habet et prefata concordia cum dicto registro collationata ad verbum concordat, ideo in fidem et testimonium premissorum bulla nostra communis plumbea presentibus est appensa.

Datum etc. die quarta Novembris 1510.

___________________________________________

(1) The register for 1483/1484 is not preserved, but there is an extract of 16 March, 1499 of a bull dated 19 July, 1483, which bestows the preceptory of Cyprus to Fr. Guy de Blanchefort, but which also nominates Fr. Marco as administrator (who was obviously at this point not yet a member of the order) and which regulates the rent, NLM Arch. 16, Nr. 74.


first adaptation 31.07.2002 Jürgen Sarnowsky / revised 13.11.2008 /
status: proofread /
for any comments: send me an e-mail Juergen.Sarnowsky@uni-hamburg.de  (Jürgen Sarnowsky)


Back to the Calendar for 1510