1510.10.05.

Frater Emericus etc. reverendo in Christo patri et domino archiepiscopo Senonensi vel eius in spiritualibus vicario salutem in domino et properos adnota successus.

Vestre r[everen]de dominationi significamus qualiter [...] sufficientia et in divinis(a) experientia atque agibilium mundi practica religiosi etc. fratris Theobaldi Dambrui ecclesie nostre sancti Petri Ramolu dependentis a preceptoria nostra de Estampes prioratus Francie habentis curam animarum curati hucusque, [...] fratrem Theobaldum retinuimus et adhuc retinemus hic in Rhodo tam ad divina servitia religionis nostre in ecclesia nostra conventualis quam in oratorio Beate Marie Virginis montis Phileremi et pro / (2r) defensione urbis Rhodi contra Mahumetheos, quapropter vestram [...] dominationem, obnixius precamur, dignetur dictum fratrem Theobaldum et eius agenda commodatum insequi et hanc nostram excusationem tamquam veram, piam et rationi sinceram acceptare et providere ipsum fructus et redditus dicte ecclesie percipere absque aliqua diminutione et ut per suum substitutum secum concordatum in dicta ecclesia Sancti Petri divina valeat complere absque ipsius fratris Theobaldi aliquo alio onere, gravamine et expensis, quod licet sit iustum et rationi consonet, tamen nobis erit non mediocriter accept[us ...], offerentes nos vestre r[everen]de d[ominationi] beneplacitos paratos.