1510.09.19.

Frater Emericus etc. Et nos etc. Universis etc. salutem etc.

Nuper siquidem venerandus manescallus nostri conventus Rhodi, preceptores et fratres venerande lingue Alvernie Rhodi ad Dei et religionis nostre obsequia residentes, quibus huiusmodi negocium particulariter spectat, de nostri prelibati magistri licentia ad hoc specialiter data more et solito congregati unanimi voto et consensu nemine penitus discrepante considerantis virtutibus et meritis religiosi etc. fratris Petri de Samoset, preceptorie nostre de Corta Serra prioratus Alvernie preceptoris, dederunt et concesserunt dicto fratri Petro antianitatem, declarantes hoc modo, videlicet, quod servato ordine stabilimentorum nostrorum dictus frater Petrus existens tam in conventu Rhodi quam in partibus occiduis et extra conventum ipsum spossit et valeat semel tantum dimissa prius dicta nostra preceptoria, prout nostra volunt stabilimenta, in manibus nostri prelibati magistri, se de preceptoria vacante vel vacatura infra limites dicte prioratus se meliorare et melioramentum sumere. Et si se iterum meliorare voluerit, presens in nostro conventu Rhodi adesse teneatur. Quam quidem antianitatem modo premisso declaratam invicem maturo et deliberato consilio serie presencium etc. sicut in formulario mutatis mutandis.