1510.02.01.

Quum a nobis, que iusta petuntur, facile his nostrum prestrimus assensum, baiuliuam itaque seu preceptoriam nostram Annonie nostri prelibati magistri cameram magistralem prioratus Francie, et quam nostri predecessores pro eorum camera habuerunt et tenuerunt et nos de presenti tenemus et habemus, per nos magistrum vobis datam et concessam sub annua solutione scutorum auri cunei serenissimi Francorum regis 580, prout litteris nostris magistralibus super hoc expeditis et presentibus annexis latius constat et apparet, invicem maturo et deliberato consilio de nostra certa scientia auctoritate et decreto nostri presentis generalis capituli prefatas litteras presentibus allegatas donationem et collationem prenominate camere magistralis in se continentis et collacionem ipsam serie presentium laudamus, confirmamus, ratificamus et approbamus atque presentis scripti patrocinio communimus, supplentes omnes et singulos defectus, si qui forsan in ipsius collationis confectione interesserunt, et ad maiorem cautelam ut collatio ipsa vita vestra durante suum sortiatur effectum, si et inquantum opus fuerit accedente libero et expresso consensu ac voluntate nostri prelibati magistri preceptoriam ipsam Annonie cameram magistralem sub pactis et condictionibus in prefatis litteris contentis vobis vita durante harum serie conferimus, concedimus et donamus benefaciendo in eadem non obstantibus quibuscunque in contrarium facientibus, que nos non obstare volumus.

Mandantes et / (1v) precipientes universis et singulis dicte domus nostre fratribus quacunque auctoritate, dignitate officioque fungentibus presentibus et futuris ne contra presentes nostris litteras confirmationis et nove provisionis aliquatenus facere vel venire presumant quinimmo ipsas inviolabiliter observent.

In cuius etc. communis etc.