1471.11.26.

Item fuit reservatum quod r[everendissi]mus dominus magister et consilium completum, quocienscunque sibi benevisum fuerit, possint et valeant in vigore capituli generalis ordinare super renovacione stabilimentorum, ita quod nullomodo eorum substancia mutetur et quod eciam propter hoc directe vel indirecte non preiudicetur linguarum, baiulivorum, priorum, preceptorum, fratrum aut magistri preeminenciis, immunitatibus vel libertatibus seu iuribus quibuscunque, verum quod nullus in hoc ledi possit aut violari, sed substancia stabilimentorum remaneat, abiecta omni superfluitate et inordinacione, ita quod quelibet lingua de licencia domini magistri eligere habeat unum fratrem sufficientem, ydoneum et sibi fidum, et pariformiter d[ominus] magister unum procuratorem suum, quiquidem novem fratres, iuramento prestito coram magistro et consilio completo, de fidelitate in renovacione dictorum stabilimentorum, cum quibus etiam intererit vicecancellarius Guillelmus Caoursin qui similiter iuramentum prestare debeat. Quiquidem omnes insimul congregati omni cura et diligencia hanc rem exequi debeant, et cum dicta stabilimenta redacta fuerunt in formam debitam, referent r[everendissi]mo domino magistro et consilio completo, qui in vigore capituli generalis diversis sessionibus audient, que predicti ordinaverint et corrigent, si eis benevisum fuerit, substancia ut predictum est non mutata, et rebus intellectis deliberent, componant et concludant in vim capituli generalis, quorum postea confirmacio obtineatur a sede apostolica.

___________________________________________