1471.01.24.

24 January, 1471
Pope Paul II supports the plans of Master and Convent for the reform of the Order and allows the convocation of a chapter general; all changes in the statutes have to be confirmed by the pope. - ASV Arm. XXXIX, 12, fol. 94r-v. Register. - . Paulus etc. dilectis filiis magistro et conventui Rhodi Hospitalis [...] salutem etc.
Cum vos sicuti nobis per oratores vestros exponi fecistis pro necessaria et oportuna vestra religionis reformatione ac provisione statueritis in conventu Rhodiano generale capitulum die prima Septembris anni 1471 revoluto tunc quinquennio iuxta consuetudinem et statutorum vestrorum formam celebrare. Ac propterea ex apostolica benignitate dignaremur nos qui [...] desideramus supplicationibus vestris in hac parte inclinati ut capitulum generale huiusmodi dicto tempore ixuta consuetudinem et statutorum vestrorum formam convocare et celebrare atque omnia ad bonum statum dicte religionis pertinentia agere et statuere, tempusque predictum si aliqua de causa expediens fuerit ac vobis videbitur proragre et anticipare per duos menses dumtatxat vel ad plus per tres libere et licite valeatis licentiam et facilitatem auctoritate apostolica concedimus pariter et elargimus dummodo stabilimenta vestra hactenus servata non mutetis [/ (94v)] aut retractetis que tamen si in aliquo per vos in ipso capitulo celebrando mutari, reformari aut corrigi pro religionis incremento, decore vel utilitate contigerit volumus quod hoc per modum avisamenti facitais et nos desuper certiores reddatis, ipsa advisamenta ad nos mittendo una cum causis moventibus vos ad reformationem, mutationem vel correctionem huiusmodi, ut omnibus bene consideratis vel confirmare vel infirmare secundum quod nobis melius visum fuerit (a)pro utilitate et commoditate vestre religionis (a) et in domino valeamus, admonentes vos ut prius et ante omnia de negotiis publicis et maxime que ad communem vestrum thesaurum et vestri conventus regimeni et gubernationem pertinuerunt antequam de privatis et privatam utilitatem concernentibus disponatis.
Igitur dilecti filii in huismodi re ita vos habebitis ut fructum ex hac nova capituli celebratione et ordinatione ipsi religioni afferatis et apud Deum meritum et apud homines vero laudem denique apud nos et sedem hanc sanctam apostolicam commendationem mercamini.
Datum Rome apud Sanctum Petrum anno etc. 1470 nono kl. Februarii anno septimo.
N.Bregon.

___________________________________________

(a) From the margin.

first adaptation 15.03.2013 Jürgen Sarnowsky
status: first transcript, excerpts, not proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)

Back to the Calendar for 1471