1453.10.07.
fratribus Zamorensis, Spoletanensis, Traiectensis et Ludunensis episcopis ac dilectis filiis decano Sancti Agricoli Avinionensis et Priori Sancti Johannis conventus Rhodi Collocensis diocesis ecclesiarum salutem [...] .
Sacri Hospitalis [...] professores [...].
Exhibita siquidem nobis nuper pro parte dilectorum filiorum magistri et conventus dicti Hospitalis petitio continebat quod licet universi priores castellani baylivi preceptores administratores fratres et subditi Hospitalis predicti iuxta regularia ipsius consuetudines et stabilimenta superioribus dicti Hospitalis in omnibus parere ac ad resistendum infidelium incursibus et aliis negotiis prosperum statum religionis [...] concernentibus expediendis de certis arreragiis et antquis debitis pensionibus responsionibus talliis annatis dupplicibus responsionibus semiannatis et iuribus magistro et conventui predictis respondere consueverunt debeant et teneantur, nonnullis tamen ex prioribus [...] in reprobum sensum dati et obedientie iugum, quod proprium religionis est, zizanie operante seminatore fugere declinareque conantes magistro et conventui prefatis ac per eos pro tempore deputatis religionis Hospitalis predicti visitatoribus procuratoribus et aliis commissariis tanquam suis superioribus obedire contemnant, pensiones quoque responsiones tallias annatas et iura magistro et conventui prefatis debita persolvere differunt et recusant in animarum suarum periculum et religionis eiusdem nonmodicum detrimentum.
Quare pro parte magistri et conventus predictorum nobis fuit humiliter supplicatum ut super hiis eorum et religionis eiusdem statui et indemnitate oportune providere de benignitate apostolica dignaremur. Nos igitur qui religionis predicte indemnitatibus et dispendiis obviare cupimus, sperantes quod professores predicti ad resitentum infidelibus et perfidis Christi nominis inimicis eo se reddant promptiores quo se maioribus a sede apostolica senserint privilegiis et graciis comunitos ac illo volentes adversos presumptores et rebelles huiusmodi magistro et conventu prefatis remedio subvenire. [...]
Et per apostolica scripta mandamus, quatinus vos vel duo aut unus vestrum per vos vel alium seu alios magistro et conventu visitatoribus procuratoribus receptoribus et officialibus ac commissariis predictis efficacis defensionis presidio assistentes omnes et singulos illos ex prioribus castellanis baylivis preceptoribus administratoribus fratribus et subditis predictis qui magistro conventui visitatoribus procuratoribus et commissariis prefatis ut suis superioribus et in sibi commissis negotiis obedire contempserunt ac eis census arreragia et antiqua debita pensiones responsiones annatas et iura pro tempore imposita et debita persolvere recusaverunt quotiens pro parte magistri et conventus visitatores procuratores receptores et commissariores eorundem vel alicuius ipsorum super hoc fueritis legitime requisiti seu alter vestrum fuerit requisitus sub excommunicationis suspensionis et interdicti sententiis ac prioratuum castellaniarum baylivarum preceptoriarum administrationum et domorum quos pro tempore obtinent privationis destitucionis et depositionis aliisque gravibus prout eorum contumacia id exegerit nobisque videbitur penis auctoritate nostra moneatis et etiam requiratis, ut magistro conventui visitatoribus [...] in omnibus prout quemlibet eorum concernit plene pareant et intendant [...] .
Datum Assisi anno [...] 1453 nonas Octobris pontificatus nostri anno quarto.
[Dorsual note:] Nicolaus. Conservatoria ad solvendam responsiones et iura thesauri ut infra.
___________________________________________
first adaptation 02.03.2015 Jürgen Sarnowsky / revised 02.03.2015 /
status: excerpts only, not proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)
Back to the Calendar for 1453