1451.10.22.

Declaratio r[everendissi]mi domini magistri et sue venerande consilii super pensione r[everen]di domini draperii habenda super preceptoria de Novilles etc.

Cum vacasset preceptoria de Mallien castellanie Emposte per obitum fratris Alamanni de Fuxam eiusdem ultimi legitimi preceptoris collatique fuisset venerabili fratri Esberto de Villamarin preceptori de Novilles dicte castellanie ac preceptori Sucaminis ducatus Athenarum, resignato prius legittime dicti preceptoria de Novillies in manibus r[everendissi]mi domini magistri, ut in bulla collacionis prefato de Mallien dicto fratri Esberto facte late constat.

Pro dicta preceptoria de Novillies sic vacante legittime fuerunt competitores frater Raymundus Giuo preceptor Sancti Petri de Kalanda, frater Ludovicus de Fluviano preceptor Barbastri in conventu residentes propriis nominibus suis et frater Nicolaus de Aschio lingue Italie, frater Gilibertus de Argentona preceptor Sancti Laurentii de Cesarines et frater Johannes de Schaos lingue Hispanie tanquam procuratores et procuratio nomine fratris Sancii de Redia preceptoris de Calatau dicte Castellanie absentis extra conventum, alegantes jura sua et que pro ipsis fatiebant. Et cum dicti competitores non essent concordes, per prefatum r[everendissi]mum dominum magistrum fuit ipsis assignatum esguardium fratrum, quod postea super ipsorum partium differentia iudicavit.

Sed attento quod prefatus frater Esbertus de Villamarin renuntiavit preceptoriam de Novillies que erat (a)et est(a) obligatus reverendo domino fratri Petro de Lignano dicti conventus Rhodi drapperio ad dandum et solvendum eidem omni anno, donec ipse dominus drapperius vixerit, florenos [de] Aragonia boni auri quingentes, sicut in sententia arbitrali lata per r[everendissi]mum dominum magistrum prefatum inter dictum dominum drapperium et fratrem Osbertum prefatum necnon r[everendissi]dum fratrem Petrum Raymondum Çacosta castellanie Emposte castellanum sub data die ultime Septembris proxime preteriti anni presentis 1450 registrata in libro cancellarie latissime continet, ab ipso r[everen]do domino draperio fuit petitum, quod considerando, quod dictus frater Esbertus renunciaverat preceptoriam suam de Novillies, capiendo dictam de Mallien, r[everendissi]mus dominus magister declaret, quis esset sibi debitor in dictis fl. auri quingentis, an ipse frater Esbertus, an ipsa preceptoria de Novillies, an preceptor futurus in ipsa preceptoria de Novillies.

Qua petitione audita et intellecta ipius r[everen]di domini drapperii et visa rationi esse consona et se motis a consilio premissis partibus prefatus r[everendissi]mus dominus magister cum deliberatione et matura discussione sui venerandi consilii in huc modum declaravit, pronunciavit et iudicavit, quod secundum tenorem sententie arbitralis late per ipsum rmum dominum magistrum frater Esbertus prefatus remaneat obligatus omni anno ad dandum ipsi venerabili draperio sive eius procuratoribus fl. quingentos auri de Aragonia, donec ipse drapperius vixerit, in festo Sancti Johannis Babtiste de mense Junii sive infra tempus dierum quindicim post dictum festum infallibiliter omni exceptione et contradictione remota. Et dominus castellanus Emposte modernus teneatur ad dandum omni anno in vita ipsius draperii durante fl. auri de Aragonia ducentos quinquaginta ipsi fratri Esberto de Villamari secundum eiusdem sententie arbitralis tenorem et formam, sub penas in ipsa sententia arbitrali contentis, et iuxta quo solvet dictus frater Esbertus dicto domino draperio.

Insuper quod quicunque erit futurus preceptor dicte preceptorie de Novillies teneatur omni anno, donec ipsum draperius vixerit, ad dandum et solvendum dicto fratri Esberto in dicto festo Sancti Johannis vel post infra dierum quindicim terminum fl. auri de Aragonia(b) ducentos quinquaginta auri de Aragonia omni exceptione et contradictione remota sub pena amisssionis preceptorie de Novillies, que preceptoria de Novillies in deffectu solutionis huiusmodi alteri fratri conferatur. Et talis frater postea provisus de dicta preceptoria de Novillies dicto fratri Esberto in dictis fl. 250 auri de Aragonia obligatus existat et illos modo quo premittitur solvere teneatur.

Et si dictus frater Esbertus morarietur et ipse dominus draperius superviveret, preceptorie prefate de Caspe et Novillies semper ipsi drapperio donec vixerit remaneant obligate.

Que omnia sic transacta, declarata et iudicata, vocatis deinde supernominatis, dominus draperio, castellano Emposte et fratre(c) Esberto de Villamarin et fratribus Raymond Giou et Ludovico de Fluvian et procuratoribus dicti fratris Sancii de Redia, fuerunt eis relata ab ipso r[everendissi]mo domino magistro cum omnes, quantum uniuscuiusque interesset sive interesse posset, premissis sic declaratis et iudicatis aquieverunt et consenserunt.