1451.01.30.
Nos conventus Rhodi sacre domus Hospitalis S[ancti] J[ohannis] J[erosolomitani] ac baiullivi, priores et proceres habentes regimen et gubernationem dicti conventus universis et singulis [...].
Notum facimus et fatemur [...] habuisse et recepisse mutuo et gratis et amore et nomine veri mutui a [...] domino fratre Johanne de Lastico [...] magistro dignissimo ducatos auri de Rhodi boni et justi ponderis [...] 1710 numeratos ab eodem r[everendissi]mo domino per manum venerabilis [...] fratris Guillelmi de Lastico Lugdunensis etc. preceptoris ac ipsius r[everendissi]mi domini senescalli egregio legum doctori domino Johanni Rocundo causarum civilium nostre curie Rhodi ordinario judici.
Quos ducatos 1710 eidem domino judici debebamus pro uno anno et interesse duorum mensium, hoc pacto et conditione, quod si eos non solveremus in termino mensium quatuordecim, quedam jocalia premissa, sacristi nostre conventualis Sancti Johannis collaci sibi pignori data ex in ipsius posse existentia inferius describenda essent sua. Et de ipsis faceret ad sue libitum voluntatis.
Sed animadvertentes dictus r[everendissi]mus dominus predicta jocalia esse maioris valoris quam sit summa predicta 1710 ducatorum auri de Rhodi et ne dicta ecclesia Sancti Johannis tot jocalibus pulcerrimis privaretur, et considerans prefatum tesaurum esse in magna paupertate et angustia in presenti temporis ex sua benigna gratia ad redemendum dicta jocalia mutuando dictas pecanias ut supra diximus. Tamquam piissimus pater et dominus inductus est, dictus vero / (162(163)r) judex habebat in suo posse pro eius securiate jocalia infrascripta, partim aurea, partim argentea deaurata, ut sequitur, videlicet:
Primo unum pedem unius crucis argenteum deauratum plenum figuris relevatis cum tribus pedibus ponderis amrcarum undecim et onciarum trium.
(a)Item unum alium pedem argenti deaurati et smaltati, cum armis condam r[everendissi]mi domini fratris Helionis de Villanova ponderis marcorum undecim et onciarum quatuor.(a)
Item tabuletas duas argenti deaurati [...].
Item unum tabernaculum magnum argenti deaurati [...].
Item unum crucem auri bene laboratum [...].
Item unam calicem [...].
Que omnia ab ipso domino judice ordinario fuerunt integraliter restituta sine diminutione aliqua venerabilibus procuratoribus et conservatori generali nostri dicti communis thesauri.
Et deinde ab ipsis procuratoribus et conservatore generali dicti communis thesauri fuerunt consignata particulariter nomine ac vice ipius r[everendissi]mi domini magistri in posse venerabilis senescalli ipsi r[everendissi]mi domini magistri supranominati in quadam capsa reposita, in qua inventarium jocalium prefatorum repositumet intrusum fuit. Et deinde dictus venerabilis senescallus ex omnia jocalia dicto r[everendissi]mo domino integraliter consignavit.
Quaquidem summam ducatorum auri de Rhodum mille septingentorum decem reddere et solvere et restituere dicto rmo domino sive cui vel quibus [...] voluerit [...] bona fide promittimus [...].
Et pro potiori securitate et cautela [...] obligamus eidem r[everendissi]mo domino omnia bona nostra et dicte domus nostre mobilia et inmobilia presentia et futura hic et ubique existentia [...].
In cuius rei testimonium bulla nostra communis plumbea una cum subscriptione manuum conservatoris generalis nostri communis tesauri et scribe presentibus est appensa.
Datum Rhodi in nostro conventu die trigesima mensis Januarii anno [...] 1450.
___________________________________________
first adaptation 06.02.2009 Jürgen Sarnowsky / revised 06.02.2009 /
status: first incomplete transcript, not proofread. /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)
Back to the Calendar for 1451