1450.11.06.
Apostolice licet immeritis iniuncte desuper servitutis officium [...].
Cum itaque sicut nonnullorum fidedigna relatione percepimus officiales communis thesauri Hospitalis [...], qui a nonnullis temporibus citra fuerunt et alii, quibus exactionum sive reddituum et emolumentorum tam a prioribus castellanis preceptoribus et ceteris fratribus dicti Hospitalis quam aliis personis per universum orbem ubilibet constitutis eidem thesauro debitis circa exactionum huiusmodi plurimum neglegentes et remissi fuerint et existant, ac propterea dictum Hospitale modernis possint temporibus quibus in resitendo perfidis sarracenis qui cum magna armorum classe insulam Rhodi [...] inhumaniter presumpserunt gravissimas expensas et insupportabilium onera subierunt non valens ex redditibus thesauri huiusmodi pro prefatis debitis et quas inde solvere habent usuris satisfacere et alias sibi in suis necessitatibus huiusmodi subvenire plurima in temporalibus substinuerit ac dictum substineat damna pariter et iacturas.
Nos qui prout nobis exalta conceditur quouscunque religiosorum ordines eorumque loca et personas a noxiis adversisque preservare studemus [...] motu proprio non ad alicuius nobis super hoc oblate petitionem, instantiam sed ex nostra mera deliberatione ac ex certa scientia [...] statuimus decernimus et ordinamus ac districte percipiendo mandamus quod ex nunc in [...] perpetuis futuris temporibus omnes et singuli priores prioratuum dicti Hospitalis et castellanus Emposte per universum orbem ubilibet consistencium quilibet videlicet eorum infra sexaginta dierum supra die qua presentiam notitiam quomodolibet habuerint computandum sub excommunicationis pena quam lapsis diebus eisdem si id realiter et cum effectu non adimpleverint eo ipso incurrant quatuor ex principalibus preceptoribus sui prioratus iura ab eis bene solventibus eligere debeant quodque dicti priores et prioratuum huiusmodi receptores ac sic electi preceptores, quilibet videlicet prior cum receptore et quatuor electis suis huiusmodi omnia et singula iura census redditus et emolumenta que tam ab eis quam ab aliis preceptoribus et personis sui prioratus solvere debentibus debita prefato thesauro annis singulis integre realiter et cum effectu solvere teneantur et ad illa solvendum necnon ad satisfaciendum de damnis et interesse, que exinde prefati Hospitali ex non solucionis huiusmodi sequentur, tam realiter quam personaliter obligati sunt et esse censeantur.
Nos enim ut dicti priores, receptores et electi solucionem huiusmodi facere et id, quod pro aliis persolverint ad ipsis aliis recuperare commodius et facilius valeant, eidem prioribus per se vel alium seu alios quociens eis videbitur quosque male seu non solicites, cuiuscunque gradus, status ordinis vel conditionis fuerint, ea que ipsi thesauro solvere tenentur per excommunicatione necnon preceptoriarum ac iurium et bonorum mobilium et immobilium quorumcunque que a prefato Hospitali in empytheosim feudum seu alis quorundocunque tenent et possident aliisque formidabilioribus de quibus sibi videtur penis auctoritate apostolica cogendi et compellendi et privandi [...].
Datum Rome apud Sanctam Mariam Maiorem anno [...] 1450 octavo idus Novembris pontificatus nostri anno quarto.
[Dorsual note:] Hec est bulla obligationis priorum, receptorum ac preceptorum iurium communis thesauri.
___________________________________________
first adaptation 02.03.2015 Jürgen Sarnowsky / revised 02.03.2015 /
status: excerpts only, not proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)
Back to the Calendar for 1450