1450.09.14.

14 September, 1450
Master Fr Jean de Lastic and Convent to the conventual prior, the preceptors, brethren, sisters, confraters, donats, subjects and vassals of the Priory of Ireland: election of Thomas fitzGerot as prior following the death of the last legitimate prior, the Turcopolier Fr Hugh Middleton; cancellation of his juridicial measures against Fr Thomas; Fr Thomas has to give security that he will pay the responsions; they shall obey the orders of the new prior. - NLM Arch. 362, fol. 125(126)r. Register. - --

Frater Johannes de Lastico etc. Et nos conventus Rhodi domus eiusdem [...] fratribus priori ecclesie nostre conventualis Hibernie, preceptoribus, fratribus, confratribus, sororibus et donatis, hominibusque, subditis et vasallis nostris nostreque religionis in prioratu nostro Hibernie constitutis salutem in domino et nostris firmiter obedire mandatis.

Cum recepisemus litteras vestras patentes bullis vestris munitas, que amplissime testificabantur electione per vos factam der persona venerabilis fratris Thome ffitzGerot in priorem nostri prioratus Hibernie, virtutesque prosapiam, nobilitatem et scientiam ac officia egregia et potentiam indicabant. His optime intellectis et diligenter consideratis, habito etiam testimonium de premissis et voluntate ser[enissi]mi domini regus Anglie per ipsius serenissimi domini regis litteras, delettis primo et annullatis omnibus et singulis processibus et actis factis contra eundem venerabilem fratrem Thomam fitzGerot per condam ven[erabi]lem fratrem Ugonem Midelton nostri conventus olim turcopellerium et dicti prioratus nostri Hibernie ultimum legitimum priorem.

Eundem ven[erabi]lem fratrem Thomam fitzGerot de consensu omnium fratrum ven[erabi]lis lingue Anglie in conventu nostro Rhodi existentium ac cum matura nostra nostrique ven[eran]di consilii bauilliorum, priorum et procerum nostri dicti conventus deliberatione concorditer elegimus, creavimus, fecimus et canonice et legtime constituimus ex nostra gratia speciali priorem dicti nostri prioratus Hibernie, cum hoc pacto, quod det cauciones suficientes in Londinis de solvendis annuis responsionibus et omnibus aliis, que de jure nostro communi tesauro spectarent occasione dicti prioratus nostri Hibernie in manibus receptoris nostri prioratus Anglie sicut in nostris bulis super dicta creatione confectus lacius demonstratur.

Confirmatio vero nove electionis per vos facte vetantibus stabilimentis nostre religionis nullo modo fieri poterat, ideo eam cassavimus et annullavimus et ad novam provisionem et salubriorem cautionem et legitimiorem viam descendimus, quarum vos omnes et unumquemque vestrum monemus et exhortamur in domino nostro Ihesu Christo, cuius crucem in pectore gestamus et per merita beati Johannis Baptiste patroni et protectoris nostri et, si opus est, in virtute sancte obedientie vobis et cuilibet vestrum dicte domus nostre fratri sive fratribus, hominibus aut vassallis et aliis supranominatis subditis nostris in virtute sacramentum fidelitatis et homagii, quo nobis et dicte religioni sunt astricti, districte precipiendo mandamus, quatenus dictum ven[erabi]lem priorem vestrum reverenter suscipiatis pro vero, canonico, indubitato et legitimo priorem eique parheatis veram obedientiam [...].

In cuius rei testimonium bulla nostra communis plumbea presentibus est appensa.

Datum Rhodi in nostro conventu die quartadecima mensis Septembris anno ab incarnatione 1450.

___________________________________________


first adaptation 17.12.2008 Jürgen Sarnowsky / revised 17.12.2008 /
status: first transcript, not proofread. /
for any comments: send me an e-mail Juergen.Sarnowsky@uni-hamburg.de  (Jürgen Sarnowsky)


Back to the Calendar for 1450