1450.08.18.

(194[195]r) Confirmacio facta Johanni et Jheronimo Martini mercatoribus Venet[is] Rhodi comorantibus per alios quinque annos finientes die ultima mensis Decembris anni ab incarnacione domini nostri 1400 quinquagesimi noni de vendicione pulverum zucari magne preceptorie regni Cipry pro precio et eo modo et forma pactis et conventionibus sicut in bullis factis premissis Johanni et Jheronimo Martini de pulveris zucari dicte magne preceptorie per primos quinque annos, quequidem bulle primorum quinque annorum descript[e] sunt et notate in registro anni 1400 quadragesimi noni sub data die 30a mensis Decembris in foliis 348, 49 et 50o.

Noverint universi et singuli etc., quod nos frater Johannes de Lastico etc. et nos conventus Rhodi etc. nomine ac vice nostri communis thesauri et pro ipso nostro communi tesauro omnibus melioribus via, modo et forma, quibus magis et melius fieri potuit et debuit, h[onorabi]libus ac spectabilibus viris Johanni et Jheronimo de Martinis, fratribus germanis Venetis, in nostra civitate Rhodi habitatoribus, confirmamus, ratificamus, facimus et concedimus venditionem pul[verum] zucari nostre magne preceptorie regni Cipri et maxime nostri casalis Colossi ad alios annos quinque sive recollectas, que incipient die ultima mensis Decembris anni ab incarnacione domini nostri 14 quinquagesimo quarto et finient die ultimo mensis Decembris anni incarnacionis eiusdem domini nostri millesimi quadringesimi quiquagesimi noni pro precio, modis, pactis, condicionibus, solemnitatibus, stipulacionibus, exceptionibus, iuramento, renuntiationibus, promisionibus et obligacionibus, clausulis et cautelis hincinde vallatis et penis sicut et quemadmodum in bullis precedentibus quinque annorum vendicionis eorundem pulverum zucari facte per nos et nostrum communem thesaurum dictis Johanni et Jheronimo de Martinis amplissime, clarissime et latissime demonstratur, ad quas precedentes bullas nos referimus et ipsi Johannes et Jheronimus se referunt, excepto, quod / (194[195]v) ipsi, Johannes et Jheronimus Martini, de presenti tenentur et dare debent effectualiter nobis seu presidentibus nostri communis tesauri mutui nomine et comodi duc. quingentos monete Rhodi currentis, quos fatemur habuisse et recepisse a dictis Johanne et Jheronimo Martini nomine ac vice nostri prefati communis tesauri.

Quamquidem duc. quingenti adiuncti cum duc. duobus millibus quingentorum in precedentibus bullis expressatis et contentis, constituunt numerum duc. trium millium dicte monete Rhodi currentis. Quos duc. tres mille solempni stipulatione et pacto expresso inter nos et ipsos, Johannem et Jheronimum de Martini noviter firmato et concluso, non obstante, quod in bullis precedentibus fiat mentio, quod duc. duo mille quingenti in fine primi quinquenii debeant computari in solutis fienda per ipsos Johannem et Jheronimum, de precio pulverum dicti quinquenii ab eis habitorum, debemus tenere et illis gaudere usque ad finem secundi huius quinquenii, in quo ultimo anno primi quinquenii dictis Johannes et Jheronimus de Martini sive habentes causam et ius ab eis, dictos duc. tres mille sini retinebunt, diminuent et defalcabunt de precio et summa m illius quantitatis pecuniarum, quam dare debebunt nobis et nostro communi tesauro racione pulverum zuc[ari] ultimi anni secundi quinquenii supranominati.

Et ita voluimus, obligavimus et promisimus, iuravimus et renuntiavimus et ita Johannes et Jheronimus supradicti voluerunt, promiserunt, obligaverunt, iuraverunt et renuntiaverunt, quemadmondum in precedentibus bullis primi quinquenii patet evidentissime.

In quorum onnium et singulorum testimonium bulla nostra communis plumbea unacum subscriptione man[uum] venerabilium ac spectabilium virorum Jacobi de Acciaiolis nostri communis tesauri conservatoris generalis et Tome de Turradinis, ipsius tesauri scribe, et Johannis et Jheronimi de Martinis fratrum emptorum presentibus est appensa.

Datum Rhodi in nostro conventu die decimo octavo mensis Augusti ab incarnato Christo Ihesu domino nostro anno millesimo 400o quinquagesimo.

Nota, quod die 18 mensis Augusti anno quo supra fuit deliberatum et transactum per reverendissimum dominum magistrum et eius venerandum consilium nemine discrepante, quod transactis primis quinque annis, quibus modernus preceptor magne preceptorie Cypri ipsam preceptoriam tenet in arrendamento, sicut in eius bulla continetur, quod pro quinque annis immediate futuris sequentibus, quicunque erit arrendator vel preceptor dicte magne preceptorie, teneatur et debeat pulveres zucharorum Colossi dicte magne preceptorie dare communi tesauro pro precio duc. vigintiquinque et uno quarto duc. Rhodi pro quolibet quintali Rhodi. Quemadmodum communis tesaurus vendidit per dictis quinque annis futuris Johanni et Jheronimo Martini mercatoribus Venetis, ut in bulla eis facta latissime demonstratur.