1450.06.15.

Cum omnes et singuli venerabilibus fratres ven[erabi]lis lingue Francie simul in eorum albergia pro istis et aliis negotiis ipsius venerabilis lingue de mandato r[everendissi]mi domini magistri, ut est moris, congregati et coadunati existerent,

de eorum bona et spontanea voluntate tradiderunt et concesserunt per prerogativam et gratiam ven[erabi]li fratri Girardo Duhem preceptori de Fontanis sub Monte Desiderio dicti prioratus Francie, quod ipse frater Ghirardus Duhem thesaurarius generalis, non obstante, quod habeat, teneat et possideat dictam de Fontanis sub Monte Desiderio(a) pro suo cabimento possit et valeat capere, tenere et habere circum circha ipsam preceptoriam ad viginti leucas quamcumque preceptoriam vacantem, quam acceptare voluerit pro accrest(a)mento suo simul cum dicta de Fontanis. Et dictam preceptoriam vacantem sive vacaturam, quam acceptare voluerit, sit sua et eam devere possit et valeat simul cum dicta de Fontanis, donec et quousque voluerit [...].

Et quia in premissa gratia eidem ven[eran]do thesaurario facte non fuerat presens, frater Johannes de Ciagli dicti prioratus ipotizat esse in suo preiudicio, quia erat in galetta(b) pro obsequiis religionis. Demum eo adventum reducto comparuit in cancellaria in presentie etiam ven[erabi]lis receptoris dicti r[everendissi]mi domini magistri, fratris Petri Guilean, et dixit ac voluit, quod dicta gratia dicto ven[erabi]li thesaurario facte esset rate, valide et firme, quantum etiam ad se poterat pertinens et spectens, volens, quod de hoc suo prestito spontaneo consensu in presenti registro mentionem facerem pro futura cauthela ven[erabi]lis thesaurarii supradicti.