1450.06.03.

03 June, 1450
Master Fr Jean de Lastic and the Convent make known that the last chapter general has discussed the problems of injustice and inequality concerning the payment of the responsions and other duties of the Orders houses and therefore ordained to make a general visitation; they appoint Fr John Langstrother preceptor of Balsall and Grafton and receiver in the priory of England as visitor and proctor for the priories Pisa, Lombardy and Venice. - NLM Arch. 362, fol. 131(132)v-132(133). Register. - --

Universis et singulis [...],

quod nos frater Johannes de Lastico etc. et nos conventus Rhodi domus eiusdem, ordinata et decreta in generali capitulo exequentes, inter solicitudines alias mentis nostre studio inherentes illam quidem indesinenti meditacionem animum nostrum pulsant, ut in prioratibus, baiulliis et domibus nostre dicte domus presertim circa solutiones responsionum, annate et aliorum onerum impositorum et imponendorum pro solvendis debitis nostris et sustentacionem nostri equalitas et recta ratio observetur.

Cum itaque dudum in nostro generali capitulo Rome celebrato legitime congregato pro solvendo debitis ac sustentationem predictis certa universalis annata in duobus annis solvenda extitisset in tota religione nostra imposita, et solutio ipsius annate facta minime fuerit iuxta mentem et seriem decreti ipsius capituli, non sine gravi damno pariter et jactura tocius religionis nostre predicte, propter quod orta fuit querela in nostro generali capitulo Rhodi per nos ultime ac legitime celebrato. Ad quamquidem querelam singuli ex omnibus prioratibus, procuratores et fratres in antedicto capitulo existentes respondendo affirmabant, sese in capite pariter et in mebris bene solvisse, nonnulli autem asserebant se magis et ultra quam debitum esset et alios minus debitos satisfecisse.

Quasobres generali decreto sanctitum est, ut generalis visitacio in tota religione fieret super verificatione solutionis predicte, prout de eligendis visitatoribus tam super cameris prioralibus quam preceptoriis ceteris omnium prioratuum illisque mittendi in termino ipsius decreti. Data fuit potestas plenissima nobis magistro et completo nostro consilio, et ideo exequi volentes predicti generalis capituli decretum ac de fide, probitate, industria et integritate [...] fratris Johannis Langstrothir domorum nostrarum de Balsall et Grafton prioratus nostri Anglie preceptoris necnon pro nobis et nostro communi thesauro in eodem prioratu receptoris in domino confidentes, [...] eundem fratrem Johannem [...] in prioratibus nostris, videlicet Lombardie, Pisarum et Venetiarum visitatorem, commissarium, inquisitorem, calculatorem, procuratorem et nuncium specialem et generalem citra revocationem aliorum procuratorum nostrorum facimus, deputamus, constituimus et solemniter ordinamus [...] / (132(133)r) [...]

In cuius rei testimonium bulla nostra communis plumbea presentibus est appensa.

Datum Rhodi in nostro conventu die tertio mensis Junii [...] 1450mo.

___________________________________________


first adaptation 17.12.2008 Jürgen Sarnowsky / revised 17.12.2008 /
status: first incomplete transcript, not proofread. /
for any comments: send me an e-mail Juergen.Sarnowsky@uni-hamburg.de  (Jürgen Sarnowsky)


Back to the Calendar for 1450