1450.06.01.

Novint universi [...], quod nos frater Johannes de Lastico etc. et nos conventus Rhodi etc. nomine ac vice nostro communis thesauri et pro ipso communi thesauro

fecimus computum, calculum et rationem cum ven[erabi]li [...] fratri Juliano de Beninis prioratus nostri Pisarum priore ac in prioratibus nostris Urbis, Pisarum, Lombardie et Venetiarum nostri magistri locumtenente de omnibus et singulis que hactenus agere habuit cum dicto nostro communi thesauro et eidem debuit usque in diem date presenti(ar)um litterarum nostrarum. Et invenimus omnibus hincinde visis ac diligenti calculo computatis, supradictum venlem priorem ac locumtenentem nostrum realiter, integraliter et cum effectu nobis et dicto nostro cummuni thesauro solvisse et satisfecisse de omnibus et singulis ab eodem habitis et receptis sive administratis citra et ultra mare, necnon dedisse et consignasse pro suis responsionibus, annata, mortuario et vacante dicti prioratus sive camerarum prioralium eiusdem usque in diem sive festum nativitatis Sancti Johannis Baptiste anni 1449, computatis suis tabulis per totum mensem Maii 1450 restat habere supradictus venlis prior et locumtenens a nobis et dicto nostro communi thesauro duc. Rhodi centum unum videlicet 101 et asp. sex videlicet asp. 6, ut lacius apparet de predictis apud registrum nostri communi thesauri anni 1450 fo. 68.

Et ideo hanc serie supradictum ven[erabi]lem priorem et locumtenentem quantitates liberantes et absolventes de satisfactis ut premittitur et solutis, eidem nichilominus dictos ducatos centum et unum asperos sex per nos nostrumque dictum thesaurum sibi debitos super futuris prioratus nostri predicti et preceptoriarum eiusdem responsionibus et aliis oneribus impositis et imponendis [...] assignamus.

Mandantes [...].