1450.05.07.

Noverint universi et singuli etc., quod nos frater Johannes de Lastico etc.

vendimus ac titulo vendicionis dedimus ac perpetue concessionis transportavimus quedam locum sive solum situm et positum in platea curie civitatis nostre Rhodi, cui a duobus lateribus, videlicet ponentis et levantis, tenet et possidet Theodorus Zuy civis et habitator dicte nostre civitatis, a parte tramontane Anthonius Cirro et Georgius Axiotis et a parte meridiei ipsa platea sive forum, ubi curia nostra ad jura reddendum est situata, vel si qui alii plures et veriores sint confines, cum accessibus et egressibus suis et cum omnibus intra se super se et in se integrum continet, omnique jure et actione nobis ex ea vel pro ea re, modo aliquo pertinere sive competere possent, supradicto videlicet Theodoro Zuy presenti et ementi pro se et heredibus suis et successoribus perpetuo futuris pro precio et nomine precii ad invicem concordati videlicet florenorum vigintiquinque Rhodi currente.

Quosquidem florenorum Rhodi currente vigintiquinque a supradicto Theodoro emente pro se et nominibus quibus supra in bonis pecuniis monete Rhodi currente realiter, integraliter et cum effectu habuimus atque recepimus, exceptioni dictorum 25 florenorum Rhodi non habitorum, non receptorum, non solutorum, ut dictum est, sponte renunciantes. Et de quibus eundem nominibus supra tenore presentium quittamus et liberamus.

Dantes et concedentes eidem Theodoro pro se et aliis quibus supra plenam et liberam potestatem, facultatem, auctoritatem et baylliam dictum locum venditam per nos et ab ipso ut premittitur emptum, capiendum, accipiendum, tenendum, habendum, possidendum, vendendum et alienandum / (180(181)r) necnon super eodem edificandum et de eo pariter ac rehedificandum, quitquid sibi aut suis premissis placuerit heredibus et successoribus tanquam veris dominis de re sua perpetuo faciendum. Promittens per nos et successores nostros predictam vendicionem ac omnia et singula supradicta rata, grata et firma habere, tenere et observare perpetuo et in nullo contrafacere vel venire de jure vel de facto.

Mandantes universis et singulis fratribus [...] inviolabiliter observare.

In quorum omnium et singulorum fidem et testimonium premissorum bulla nostra magistralis plumbea presentibus est appensa.