1450.03.27.

Noverint universi [...], quod nos frater Johannes de Lastico etc. et nos conventus Rhodi domus eiusdem nomine ac vice nostri communis thesauri et pro ipso communi thesauro gratis, mutuo et amicabiliter pro supportandis et subveniendis necessitatibus incumbentibus racione classis et guerrarum Theucrorum habuimus et cum effectu recepimus ab honorando et spectabili viro Ludovico Bertramo de Barchinona Rhodi nunc comoranti summam et quantitatem ducatorum Rhodi trecentorum sive 300, quos nostro et dicti nostri communis thesauri nomine solvit et effectualiter numeravit in manibus venlis religiosi nobis in Christo precarissimi fratris Jacobi de Acciaiolis antedicti nostri communis thesauri conservatoris generalis.

Quamquidem summa nobis quo supra nomine in nostris antedictis necessitatibus gratis mutuatam supradicto honorabili Ludovico accomodanti per totum mensem Augusti proximi futuris hic Rhodi eidem vel cui ipse commiserit vel voluerit vel jus suum habuerit reddere, solvere et restituere omni dilacione vel contradcitione cessante integre infallibiterque promittimus et bona fide nos obligamus.

Et pro maiori eisdem mutuantis et aliorum eius nomine superius nominatorum cautela pariter et securitate obligamus eidem et eisdem omnia nostre religionis bona presentia et futura, mobilia et immobilia hic et ubique consistencia pro observatione omnium et singulorum premissorum.

In quorum testimonium bulla nostra communis plumbea unacum subscriptione manuum venerabilium et spectabilium virorum fratris Jacobi de Acciaiollis dicti nostri communis thesuri conservatoris generalis et Thome de Toradinis ipsius communis thesauri scribe presentibus est appensa.