1392.07.17.

Frater Johannes etc. Venerabiii et discreto viro Dragoneto Clavelli, civi et procuratori nostri Rodi salutem [...].

Ecce vobis tenore presencium notum facimus, quoniam in ista assambleia Avinione tenta de anno presentí et mense Aprilis preteriti consulta deliberatione habita cum fratribus prioribus et proceribus nobis assistentibus deliberavimus et ordinavimus, quod ambitus seu circuitus civitatis Smirnarum restringatur, et fortificetur civitas ad hunc finem, quod tueri et deffendi tuitius valeat et cum minoribus expensis.

Pro qua re, vidente pericula, que inminentur dicte civitati actenta potentia Basite, etiam, quia communis thesaurus nostre religionis expensis et oneribus multum agravatur nec hinc operi subvenire potest, concedimus et donamus per presentes pro fortificatione et reparatione dicte civitatis 4000 fl. Rodi currente.

Quapropter vobis tenore presencium committimus et mandamus, quatenus domus nostre fratri Dominico de Alamania, preceptori Neapolis, Sancti Stephani de Monopolo, Avinione ac procuratori nostro ad ipsius requisitionem 4000 fl. in peccunia numerata^(a) de bonis et peccuniis nostris per vos receptis et habendis nobis pertinentes seu aliis undecumque quovis titulo per vos reperiendis tradatis, detis et assignetis [...].

Data Avinione die 17a mensis Julii anno quo supra nonagesimo secundo.

Signata manu domini magistri.