1390.07.13.

13 July, 1390
Master Fr. Juan Fernández de Herédia to the Greek papas Johannis: appoints him to be scribe or notary of the town of Smyrna for lifetime. - NLM Arch. 324, fol. 142r. Register. - Jürgen Sarnowsky, Die Johanniter und Smyrna (1344-1402), 2, in: Römische Quartalsschrift 86 (1991), n. 47, pp. 71-72.

Frater Johannes Ferdinandi etc. dilecto nobis in Christo Papam Johanni salutem in domino.

Ex fideli et solicita prudencia et probitate aliisque virtutibus, quibus, prout fidedigna nobis accepta relatione nobis innotuit, te dominus insignivit, presumimus evidenter, quod ea, que tibi excequenda comiserimus, solerti et salubri studio excercebis.

Hinc est, quod nos, de huiusmodi probitate et virtutibus plurimum in domino confidentes, tibi scribaniam seu officium notarie, quam et quod presencialiter tenes et excerces in civitate Smirnarum pro te habendum, tenendum et excercendum cum ómnibus et singulis suis iuribus et emolumentis solitis percipi et haberi ac oneribus subici consuetis, ad vitam tuam [...] conferimus et donamus [...].

Data Avinione die duodecima mensis Julii anno incarnationis domini millesimo trecentesimo nonagesimo.

first adaptation 19.06.2022 Jürgen Sarnowsky / revised 19.06.2022 /
status: proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)

Back to the Calendar for 1390.