S. 73 <37r>:

Anno^a Domini 1568
am middewekenn avende
vor dem sondage palmarum¹
starff Gescke vam Kroge
in Godt der Godt gnedich sy

Ithem^b wat wy for denn chonfent
van salygen Geskenn vam
Kroge erem tuge hebbenn fan
klederen entfangenn dat lycht^c up
der nygen sellen in der kysten

Ithem hyr is fan genamen eyn
wandes houke denn geve wy
Agnetten der maget in der
koken do se brut was

Ithem den anderen wandes
houken neme wy for de beyden
megede in de koken den hadden
se dar bedarff

Ithem 1 olden brunen underrock denn
geve wy Barberen der maget

Ithem up der nygen sellenn is ock
eyn bedde 1 pol unde eyne fedderdeken
unde eyn hofet kussen de upstander
kussen syn in forwarynge by Tybbeken

Ithem up der nygen sellen steyt eyne
banck dar inne is noch etlyck tynnen
unde myssynck dat wy fan ock fan
er Krogen hyr fan is 1 krone up dem
pipavenn unde ock etlykes in der koken

Ithem eyn olt bedde heft Dortye Offe ock
heft se 1 lade noch syn dar wol
2 laden unde 2 benke

Ithem so isset wol gewert henn
tho 40 merkenn dut magh so
wat hen stan dem chonfente
thom besten dut is for dut hus
gut tho gebrukende anno [15]68
geschrevenn hir fan is anno [15]69
12 m thor rekenschop gebrocht

^a Wechsel der Hand .
^b Wechsel der Hand .
^c Folgt Streichung schulde.
¹ 1568 April 7.

S. 74 <37v>:

[leer]