S. 55 <28r>:

Item in anno [15]63 do heft sick
Soffye van Winthem dhe
meisterynne imme caventhe
fruntlyck forliket unde vordra-
ghen umme de helffte vann
ßelighenn Annen van Winthem
ehres nagelaten tuges alße ith
des canventes wiße ys unde
vorbenomde Soffye van Wyntem
heft deme cavente hir vor
gevenn 30 marck

Dusse vorgeschrevem
30 marck heft Soffye van
Winthem thor rekenschupp
gebracht inth jar [15]63 na
vormeldinge des bockes, dar
de entffanginge warth ingescreven

Ock heft dusse vor benompde junck-
fruwe zelige Anna van Winthem,
unde er suster Soffye vann
Winthem up ehre beyder bekostinghe
anhne jenich tho donth van des
confentes gude gebuweth eynne
dornssen myt fulborde, unde
willen, der vorsammelynghe,
unde vorstenderen, des confentes
dusse dornsse ys baven inn
huße up der oster syden gelecht
szo dath nu eyne gude stede
mer is, vor de susternn imme
conventhe alse vor hen ys ghe-
weßen. Duth buwenth heft
gekostet alße dat register inth
lange vormeldeth, dat zelighe
Anna van Winthem myt ehrer
eren handt heft gescrevenn
ys de summa dat wy vorbuweth
hebben dem confenthe thom besten
is in alles 81 m 3 ß 10 d

Dußes hebben de susteren des confentes
zeligen Annen van Winthem erer ock
tho geveten. Duth buwenth ys ghe- schenn anno 1544

S. 56 <28v>:

[leer]

S. 57 <29r>:

[leer]

S. 58 <29v>:

[leer]