S. 53 <27r>:

Ithem duth forgeschreven van salygen
Margreten Gotkens erem forkoften
tuge so entfangen alse hyr up dussem
forygen blade is an getekent dath
hebbe ick thor rekenschop int jar do
men schreff [15]62 na formeldynge
des bokes dar ick alle entfangynge
wat so dem confente is belangende
werth in geschreven do im [15]62 jar
hebbe ick dut thor rekenschop gebrocht
wo hyr for is an geschrevenn

Ithem noch so hebbe ick salygen
Margreten Gotkens erer
maget de er in erer langen
krancheyt hade gedent der hebbe
ick myt der forsammelynge unde
ock myt der frunde wyllen gefenn
eyn bedde myt eynem pole

Ithem noch wart dersulven maget
geven dre hofet kussen

Ithem noch hebbe wy dusser sulven
Margreten Wytten der maget
gevenn eyne lemken dekenn

Ithem noch hebben uns dusser maget
frunde for gerekent for 7 jar lon

Ithem dar for hebbe wy er fan den guderen
geven eynen Leydesken wandes-
houken unde eynen wandes rock
dut par kleder is er gerekent 15 m

Ithem noch heft se fan eren gekregen
eynen fynen blawen underrock
de is ock ant lon gerekent for 4 m

Ithem noch geve wy er eyne fedderdeken
dyt alle wart so gerekent for lon
unde for scho unde for lennewant

S. 54 <27v>:

[leer]

S. 55 <28r>:

Anno^a Domini 1562, denn
5 Junius^b do starff Anna
vann Wintem ihnn Godt
der Godt gnedich is

^a Wechsel der Hand .
¹ 1562 Juni 5.