S. 51 <26r>:

Anno^a Domini 1558 up den
middewekenn na Letare¹ do starff
Sillie Burtveldes ihn Godt

Ithem^b van selygenn Sylgenn
Burtfeldes hebbe wy gar
nychtes na erem dode for
er nalaten tuch entffangenn
sunder se heft by erem levende
wyllen dar for gemaket
unde heft by Margreten
Gotkens tyden er dar for
gevenn alse er breff dat uth
wyset den se fan dem confente
hadde so dath se heff for de helfte
eres nalaten tuges dem confen-
the gevenn is 20 m lubisch
unde Syllygen Burtfeldes ere
erffen hebben alle er gut wat
se im confente hadde so hen tho
syck genamen na der bewyllynge
de so by denn tyden was gemaket
so dath ick nu fan Cyllygen Burt-
feldes for de helfte eres tuges by
myner tyth nychtes hebbe entfangen

^a Wechsel der Hand .
^b Wechsel der Hand .
¹ 1558 März 23.