S. 48 <24v>:
Unde dyth is ßo tho rekenschop
gebrocht int jar [15]53 dar men
do noch rekenschop scholde van
don alse dat myn renschop wol ut-
wyset de yk in dem jar dede
Ithem van dussem forkoftenn tuge
hebbe ick tho Margreten
Werdermans erer begreffnisse
de helfte dan is 6 m 2 ß
unde se wart begrafenn tho
sunte Peter

S. 49 <25r>:

Ithem noch van den sulvenn for-
koftenn tughe hebbe ick denn
susteren geven eyner jderenn
8 ß na wontlyker wyße
belopt syk ock 6 m 8 ß

Ithem noch hebbe ick hyr van den
susterenn geven enn tunnen bers
dar for geven is 3 m 14 ß

Ithem dyt werde sy ßo befynden
in mynen rekens boke dar al
de uth gafe inne steyt gheschreven
anno [15]53 dar ick do erste rekenschop
van dede

Ithem noch krech ick en olt bedde
van er wat dar van qwam
dar for beterde ick des kanventes
bedde mede de de megede bruken
de in der koken denen

S. 50 <25v>:

[leer]