S. 39 <20r>:

Anno^a Domini 1551 des
midwekens in den passchen^a
ys Agneta Nigemeigers in
Godt den heren vorstorven
und dit nabeschreven vann
ehrem tuge vorkofft und ent-
fangen, ock etlich hirvann
vorgeven alse hirna is an-
geschreven

Ithem^b Ilßeben Langenn forkoft dith
beste parlaken dar for
entfangenn 11 ß

Ithem Kattrinen Smedes forkoft
1 parlaken dar for entfangen
is 10 ß

Ithem van Barberenn Rodenborges
for en par older laken unde
eyne kussenburen entfangenn
is 7 ß

Ithem Margreten Blockes forkoft
1 par older lakenn dar for
entfangenn is 4 ß

Ithem Annen van Wyntem for
koft 1 par older laken dar
for entfangen 6 ß

Ithem vor 6 olde kussenburen
entfangen 8 ß

Ithem en drel tafelaken entfangen
is 10 ß

Ithem noch for tyne up hangel
dvelenn entfangen 1 m

Ithem vor 29 punt reynes garns
vann langem flasse gespunnen
dar for entfangenn 7 m 4 ß

Ithem Kattrynen Smedes forkoft eynen
wandes houkenn dar for
entfangenn is 8 m

Ithem Geskenn Kransses forkoft eynen
arsken houkenn dar entfangenn
is 4 m 8 ß

Ithem Margrete Gotkens eynen rock
dar for entfangen 3 m


^a Wechsel der Hand .
^b Wechsel der Hand .
¹ 1551 April 1 .

S. 40 <20v>:

Ithem Gretken Greven forkoft eynen
blawenn rock de was dubbelt
dar for entfangen 4 m 8 ß

Ithem her Johann Flammen forkoft
2 bedde myt eynem pole dar
for entfangen 14 m

Ithem ick hebbe hyr van gekoft eyne
wollenn^c deken de was roth
unde gell dar for entfangen
is 1 m 8 ß

Ithem Margrethe Gotkens heff hyr
vann gekoff eyne olde wollen
deken unde en hovet kussen
dar entfangenn 8 ß

Ithem noch Ilßebe Lange hyr vann
gekoft 4 stol kussenn dar for
entfangen 8 ß

Ithem Anne van Wyntem gekoft
2 puste dar for entfangen 8 ß

Ithem noch vor 3 kussen entfangen
is 1 m 2 ß

Ithem noch vor 8 olde stol kussen
entfangen 1 m 4 ß

Ithem noch vor koft 28 punt oldes
tynnen dar for entfangenn 5 m

Ithem vor 2 olde myssinges ketel
entfangen 1 m

Ithem vor 3 klene grapenn
entfangenn is 8 ß
Ithem noch vor 3 klene grapenn
entfangenn is 10 ß

Ithem vor enn breth beckenn
entfangenn is 8 ß

Ithem noch vor 3 olde becken unde
eynen olden ketel entfangenn
is 1 m 4 ß

Ithem Ilseben Langenn for koft eyne
kyssenn dar vor entfangen 2 m

Ithem Hans Graven forkoft eyne olde
schyp kyste myt ißeren beslagen
dar vor entfangen 1 m 4

Ithem vor enn olt schap entfangen 1 m

^c Folgt gestrichen deke.

S. 41 <21r>:

Ithem noch Margrethe Blockes heft
hyr vann gekoft eynenn svarten
rock dar for entfangenn 3 m

Summa van Agneten
Nyghemeyers erem vor-
schrevenn tughe vorkoffth
unde entfangenn 67 m 4 ß

Duth^d vorscrevenn is tho rekenschupp
gebracht inth jar [15]51 na vor-
meldinghe des bockes dar de
entffanginghe wardth inn
gescrevenn vann
Agnethenn Niegmers tuge

Ithem^e noch hebbe ick van selyghen
Agnethenn Nyghemeyers
eren nalatenn tughe for den
kavent beholden unde ock hyr
etlykes van for geven alße
hyr na is an geschreven

Ithem eynen swarten ketell denn
hebe ick vor unßenn staven
gedann dar to brukende

Ithem noch 2 klene myssynges
kronen hebbe yck laten hengen
up unßen pypavenn

Ithem noch eyne myssynges krone
heft Margrete Blockes ere tyt
to brukende

Ithem noch entfangen eynen sulveren
lepel den gaff ick her Johann
erem bycht vader

Ithem noch entfangen 3 sulverenn
lepel de wogenn 4 ½ loth dar to
3 klene hylgen kronenn myt
enn weynych perlenn hyr vann
to ßamende hebbe ick latenn maken
twe sulverenn lepel myt der for-
sammelynghe erem wyllen unde
sulvenn van des kaventes weghen
vor schenket

Ithem noch en lottwerkes bancklakenn
beholden vor den kavent

^d Wechsel der Hand .
^e Wechsel der Hand .

S. 42 <21v>:

Ithem noch entfangenn 28 ellen
nyes flessenn lennewandes dat
sulve hebbe yck denn susterenn
alle henn gedelt

Ithem noch entfangenn 20 ellen heden
lennewandes dat sulvyghe ock
denn susteren henn gedelt

Ithem noch etlyke doke unde mutsen
hebbe ick ock den susterenn henn
gedelt

Ithem alle kroße unde ghleße unde
decker so fell ick der for dele
krech hebbe ick den susteren gedelt

S. 43 <22r>:

Anno^f domini 1546 des ersten
sondages na dem passchen² dho
starff Geske Meyers in Godt
den herenn unnd ick hebbe umme
disse helffte ohres nagelatenn
tuges moten to rechte ghaen mit
Cordt Weyen 6 jar, er he dem
convente wolde laten na older
gewanheit, so lange ick io by-
plichtinge krech van dem erb.
Rade, de em ernstlich bodenn
dem convente to laten de helffte
na older wanheit, dit is de or-
sake dat ick dith nu ersten in dussen
[15]51 jare hebbe entfangen und
tor rekenschop gebrocht

Ithem^h van dem bedde unde polle
de helfte entfangenn 3 m

Ithem vor de fedderdekenn ent-
fangenn is 1 m 8 ß

Ithem vor eyne Norenbergeske
deken entfangenn 2 m 10 ß

Ithem Kattryne Smedes heft hyr
vann gekoft 2 stolkussen
dar vor entfangenn 8 ß

Ithem noch vor kusßen entfangen
is 12 ß

Ithem vor eynen wandes kragen
entfangenn is 12 ß

Ithem noch Kattryne Smedes hyr
van gekoft eynen swartenn
loßenn rock dar vor entfangen
is 4 m 8 ß

Ithem vor den blawenn rock
entfangenn 3 m

Ithem vor eynen wandes-
houkenn entfangen 4 m 4 ß

Ithem vor blaw want tom houken
dar vor entfangen is 5 m

^f Wechsel der Hand .
^g Wechsel der Hand .
² 1546 Mai 2 .

S. 44 <22v>:

Ithem noch vorkoft 10 punt
tynnen ann fatenn unde kannen [?]
hyr vor entfangenn 2 m 2 ß 10 d

Ithem noch vorkoft 7 ½ punt tynnen
hyr vor entfangenn 1 m 9 ß

Ithem vor 3 olde beckenn entfangenn
is 1 m

Ithem vor 3 grapenn entfangenn
1 m 5 ß

Ithem vor eyne water kellenn
entfangenn is 6 ß

Ithem vor 2 klene hantfate
entfangenn 12 ß

Item vor 2 klene myssynges
kethell entfangen is 1 m

Ithem vor eynen taffel krans
entfangenn is 2 ß 4 d

Ithem vor eynen grapenn
entfangenn is 6 ß

Ithem vor eynn parlakenn
entfangenn is 12 ß

Ithem vor 8 klene kussenburenn
entfangenn is 1 m 2 ß

Ithem vor 4 ellenn nyes lenne-
wandes hyr vor entfangen 1 m

Ithem vor twernn entfangenn
is 1 m 8 ß

Ithem vor en klen schap entfangen
is 2 m

Ithem vor eyne foth banck
entfangenn is 1 m

Summa vann Geskenn
Meyers erem vorschrevenn
tughe vorkoffth unde entfangen
is 41 m 15 ß 2 d

Ithem noch van ßelygenn Gheskenn
Meyers entfangenn do er
gelt wart gedelt 107 ½ m

S. 45 <23r>:

Ithem vann dussen vor schrevenn
gelde hebbe ick mothenn Gesken
itlykes na betalenn unde^h vor rechtenn
alße myn rekensbock dar ick
alle uth gave hebbe in geschreven
klarlykenn utwyßet anno [15]51

Duthⁱ vorschrevenn van Geskenn
Meyers tughe is to rekenschupp
gebracht sampth deme geldhe
inth jar [15]51 na vormeldinghe
des bockes dar de enthffanginge
wardth ingeschrevenn

Ithem^j noch hebbe ick entfangenn eynen
sulverenn lepel woch 1 ½ loth
denn sulven hebbe ick beholden
vor denn kavent

Ithem wath dar sus mer was
vann doken unde ander
lynnen dat sletych was
ock ander plußerye dar men
so men gelt konde aff maken
hebbe ick alle denn susterenn
henn gedelt

Ithem noch was dar eyne kyste
myt nygenn lynnen tughe
de sulvenn kysten gaff ick
myt der forstender erem
wyllenn twen armen mege-
denn de weren van Geskenn
Meyers erenn angebarenn
frundenn

^h Über der Zeile eingefügt .
ⁱ Wechsel der Hand .
^j Wechsel der Hand .

S. 46 <23v>:

[leer]