1508.04.26.
Wy Hans Pype, Harder vam Stoue, Hinrik van Mynden, und Hinrik Eggherdes, ouerolderluede, Dirck Krantz, Cord van Kampen, Gerd Kremer, und Clawes Junghe, olderluede der kanerbroederschop in Suente Jacobs Kerken binnen Hamborch,
bekennen und betueghen apenbare in und mit desen breue vor alles weme, dat wy van dem ersamen heren, Herr Joachim Moller, de nu tor tyd unse prester is, anderthalf hundert luebisch marck pennynghe to unser ganzen noghe rede entfangen, upgheboret unde vor in der voerbenomenen broderschop witlyke nutticheyt ghekeret hebben, dar vore hebbe wy demsuelven Her Joachim rechte unde redelyken vorkofft und vorlaten, vorkopen und vorlaten eme teghenwardyghen, in krafft deses breves, teyn marck jarlyker lyfrente, uth und van der erghenanten broederschop redesten renten, woere se de hefft [...]
Ghegeuen [1508] am Middeweken in den Paschen.
___________________________________________
erste Anlage 11.01.2002 Jürgen Sarnowsky / letzte Bearbeitung 18.12.2008 /
Bearbeitungsstand: erste unvollst–ndige Transkription, nicht mit dem Original kollationiert. / für Rückfragen: Juergen.Sarnowsky@uni-hamburg.de (Jürgen Sarnowsky)
zurück zur Regestenliste für 1508