1495.03.20.

Ick Hanß Clare borger tho Hamborch bekenne apenbar in und mit dessen breve vor alleßweme, dat ick van dem ersamen hern Cordt Langen vicariese tho Su^ente Peter darsu^elves tho gantzer noge rede entfangen und vort in minen und minder erven witlicken nutt gekerett hebbe vyff unde so^eventich rynesche golden gu^elden, beho^erende tho siner vicarie in der ebenompten kercken thom altar St.Stephani gesunderet.

Hirvor hebbe ick demsu^elven hern Cordt und sinen nakomelingen thor tydt besittern dersu^elven vicarie, rechte und redelicken vorkofft und vorlaten, vorkope und vorlate en jegewardigen in krafft desses breves, so^even m[ar]ck und achte schilling jarlicker renthe, alse ick hebbe in deme erve Hanse Wickhorstes upper Matten Twiten orde by dem erve Hern Claws Michaelis belegen [...] {S.106}