1483.00.00.

[art. 18] Alse dat Closter to Hervestehude up ene best a^endige Regul und Abbatie gefunderet und gebuwet ist, unde dat also lange dargestan hefft, dar alle jungvrouwen up gekledet synt, unde darna gelevet hebben, dar dat meiste deel der jungvrouwen, hyr in disser stadt gebaren, unde hyruth darinne gegeuen su^ent, schal unde will de rad beschermen vor avervall, unde twe personen / {S.99} des rades unde etliken bo^ergern, de de abbatissa dartho keset, to vo^ersta^endern dem closter vo^erwesen, und alle dinge des closters besten helpen reden, alse dat tho Lu^ebeck, unde in andern sta^eden unde landen, dar solcke clo^esters des ordens unde wesen sind, geholden ward. [...]

[art. 61] Als een old statutum aldings plog tho wesende, dat de scholasticus darup sach, dat de schu^elers in der latinischen scholen mede latinischnen bo^eckern scho^elden gelehret werden, unde de ricken tho jdern verendehl jahrs 2. schillinge tho lohne, unde upp Lichtmissen 4. penninge vo^er dat licht, unde nenerlei mehr geve tho dem jahre, unde den armen dar umme Gades willen gelehret warden [...]