1470.11.12.a.

Deme sulven Hoyger Tzerneholte enen breff gegeven dat me eme desse vorgescreven dorppe nicht afflosen schal bynnen twintich jaren.

Wii Cristiernn etc. bekennen unde betugen vor alszweme vor uns unse erven unde nakomelinge , dat wii van sunderger gunst unde gnade wegen hebben gegunnet gunnen unde willen jegenwordigen, dat de ersane Hoyger Tzerneholte borger to Hamborch unse nagescreven dorppe alse nameliken Wantesbeke Oldenvelde Ralevestede Bramvelde Alsterdorppe unde Stegelhope , de wii eme nu vorsegelt hebben , unaffgeloset hebben unde bruken schal de ersten XX jar langk ; unde wanner denne de ergescreven XX jare vorschenen sin unde de erben . dorpe unde gudere wii unse erven effte nakomelinge van deme erben. Hoyger Tzerneholte effte sinen erven wedderlosen willen, so scholen wii dat don an egener personen van unseme egene properen gelde to unser egene behoeff unde anders nemande to steden , sunder alle list hulperede unde gheferde. Des tor witlicheyt etc.

Datum ut supra.