1470.10.18.

1470 Oktober 18. Segeberg.
Regest: König Christian bekennt, Hoyger Tzerneholt Bürger zu Hamburg 1.500 m. schuldig zu sein, und verspricht die Rückzahlung bis nächste Ostern.
Überlieferung: Kopenhagen, Kgl. Bibl., Registrum, S. 566. -
Beschreibung: Registerüberlieferung.
Überlieferung: Kiel UB, Ms. S. H. 45 C. C., S. 326. - Beschreibung: Registerüberlieferung.
Edition: Registrum König Christian des Ersten, hg. G. Hille, 1875, 403, S. 492-93.

Schultbreff Hoyger Tzerneholtes oppe veffteynhundert Lub. marck sunder borgen edder pande.

Wii Cristiernn etc. bekennen unde betugen apenbare vor alszweme , dat wii rechter witliker schult schuldich sin deme ersamen unseme leven besunderen Hoyger Tzerneholte borger unser stad Hamborch XV marck Lub. alse bynnen Lubeke unde Hamborch genge unde geve sin, de wii in gudeme graven pagimente van eme tor noge entfangen unde vortan in desser unser lande nuth unde fromen gekert hebben. Welke vorscreven XV Lub . marck wii unse erven effte nakomelinge deme erben. Hoyger effte sinen erven an gudeme gravem pagimente vorscreven munte oppe passchen negestkomende bynnen unser erben. stad Hamborch to dancke vornogen scholen unde willen . Weret ock sake deme ergen. Hoyger Tzerneholte solke erben. summen penninge nicht oppe den erben. termin vornoget worde, unde in jenigen bewisliken schaden dat god nicht en wille derhalven qweme, so scholen wii unse erven unde nakomelinge deme ergnanten Hoyger unde sinen erven den wedder oprichten unde vornogen mit deme vorscreven hovetsummen sunder jenigerleye intoch hulperede effte geferde ; unde hebben des tor tuchnisse etc.

Datum Segeberge ame dage sancti Luce ewangeliste anno etc. LXX°.

___________________________________________

erste Anlage 20.12.2025 Jürgen Sarnowsky / letzte Bearbeitung 20.12.2025 /
Bearbeitungsstand: nur Regest / für Rückfragen: Juergen.Sarnowsky@uni-hamburg.de (Jürgen Sarnowsky)

zurück zur Regestenliste für 1470