1470.09.08.

1470 September 8. Segeberg.
Regest: König Christian bestätigt die von seinem Bruder Graf Gerd von Oldenburg verfügte Verpfändung eines Teil seines Zolls zu Hamburg für 1.200 m. an Hoyger Tzerneholt gegen jährliche Zahlungen von 100 m. aus dem Zoll.
Überlieferung: Kopenhagen, Kgl. Bibl., Registrum, S. 172. - Beschreibung: Registerüberlieferung, mit kurzem Regest am Rand
Überlieferung: Kiel UB, Ms. S. H. 45 C. C., S. 95-96 - Beschreibung: Registerüberlieferung.
Edition: Registrum König Christian des Ersten, hg. G. Hille, 1875, 110, S. 171.

Pantbreff Hoyger Tzerneholtes oppe twelfhundert marck hovetstols vor welker XIIcmarck he jarlikes schal boren ut deme tollen to Hamborch Ic marck rente.

Wii Cristiernn etc. don witlick bekennen unde betugen apenbare vor alszweme, dat wii beleven vulborden unde bevesten , ock jegenwordigen beleven bevesten unde bestedigen in crafft desses unses breves sodanen breff alse de eddele unde wolgeboren unse leve brodere here Gerdt to Oldemborch unde Delmenhorst greve gegeven hefft deme ersamen Hoyger Tzerneholte borger to Hamborch unde sinen erven ludende oppe twelffhundert marck alse bynnen Lubeke unde Hamborch genge sin; vor welke twelffhundert marck vorscreven munte he eme vorsettet unde vorpandet hefft hundert marck jarliker renthe van unseme tollen to Hamborch to borende oppe tiid unde stunde alse men des tolles kisten to apene plecht, so dat de ergnante Hoyger unde sine erven de vorg. hundert marck alle jare uth deme sulven unseme tollen boren scholen unde mogen, so lange wii unse erven effte nakomelinge sulke twelffhundert marck eme edder sinen erven gudliken wedderumme entrichten effte entrichten laten tor noge. Beden darumme jegenwordigen in crafft desses unses breves unseme tolner tor tiid to Hamborch synde, wen sulke unse tolkiste geopent werdet: Du denne Hoyger Tzerneholte effte sinen erven erben. antwordest unde vornogest jarlikes hundert marck beth so lange wii unse erven effte nakomelinge sulke hundert marck wedderumme losende werden na vorgescreven wise. Des tor tuchnisse etc. -

Datum Segeberge dominica proxima post festum nativitatis Marie anno etc. LXXo.

___________________________________________


erste Anlage 29.11.2025 Jürgen Sarnowsky / letzte Bearbeitung 29.11.2025 /
Bearbeitungsstand: nur Regest mit kurzem Textauszug / für Rückfragen: Juergen.Sarnowsky@uni-hamburg.de (Jürgen Sarnowsky)
zurück zur Regestenliste für 1470