1465.11.07.

1465 November 7. Segeberg.
Regest: König Christian von Dänemark und Graf Gerd von Oldenburg erlauben den Hamburgern Bauten auf der Steinburg.
Überlieferung: Kopenhagen, Kgl. Bibl., Registrum, S. 168. - Beschreibung: Registerüberlieferung, durchstrichen.
Edition: Registrum König Christian des Ersten, hg. G. Hille, 1875, 104, S. 166.

Item willebreff koning Cristierns unde hertogen Gerdes dat de van Hamborch mogen buwen de Stenborch.

Wii Cristiernn etc. unde Gerdt greve to Oldenborch etc. bekennen unde betugen apenbar vor alszweme, nademe wii denne den ersamen unsen borgermeisteren radtmannen unde gantzer gemeynte unser stad Hamborch vorsettet unde vorpandet hebben unse slot Steenborch , so unse breve en darop gegeven furder uthwisen unde dat sulffte unse slot so swarliken bufellich unde vorfallen is dat ene vorbeteringe van gantzer nottorfft behoff is, hebben wii en gegunnet unde bevolen unde jegenwordigen bevelen gunnen unde fulborden , dat se solck unse slot vorbuwen mogen unde vorbeteren, unde wes se vorbuwende werden, willen wii ene wan wii solck unse slot wedderlosende werden gantzliken mit deme hovetsummen vornogen unde an deme hovetstole effte opkomede nichtes affkorten in jeniger mate, sunder alle arch unde geferde.

Datum Segeberge des dinxdages ante Martini anno etc. LXIX.

___________________________________________

erste Anlage 29.11.2025 Jürgen Sarnowsky / letzte Bearbeitung 29.11.2025 /
Bearbeitungsstand: nur Regest mit kurzem Textauszug / für Rückfragen: Juergen.Sarnowsky@uni-hamburg.de (Jürgen Sarnowsky)

zurück zur Regestenliste für 1465