1462.04.08.

Wy Christiernn, von Gotsgnaden to Dennemargken, Schwedenn, Norwegenn, der Wende unde Gotthen koningh, Hertoch to Sleszwiigk, Greve to Holsten, Stormarnn, Oldenborg unde Delmenhorst,

Bekennen unde betugen apembare in dessem unnsern breve vor alleszweme, dat Wy nach Rade unnser getruwen Rathgeveren dorch mennigerleie woldaet unnd wilen,de uns unnd unnsen vorfaren an unnsen Ryken de Borgiermeistere, Rathmanne, Borgere unde Inwonere der Stad hamborgh dicke gedan hebben unnd vorbat don moghen, En vor uns unnd unnse erven unnd Nakomelinghe Alle unnd Isliche ere gnade unde privilegia, Fryheide unde breve unde handfeste, de se von uns unde unsen vorfaren an Unsen Ryken Dennemargken, Sweden unnd Norwegenn gehat hebben, gnedichliken bestediget, vornyget unde vevestiget hebben, vornyen, bevestigen unnd bestedigen en de Jegenwardigen in krafft desses brieves unde geven en von sundergen gnaden, dat ze an unnsenn Ryken korne, qwyck unde allerleye ware unde gudere kopen, von dar dryven unde bringen moghen to water unde to lande na Hamborgh, wo id en bewueme ys, up eren rechten tollen, sunder Unnser Amptlude, Vogede edder Jemandes hinder edder wedderede, so vaken en des werdet von noden. Doch unsen gemenen vorbaden, alse wy nü gedan hebben unde hyrnamalsz aver unnse Ryke donde werden, sunder vorfangk, men dat se dat gelick anderen holden scholen.

Vnnd hebben der tor witlicheit unnse koninglike Secretum laten henghen vor dussen breff,