1461.12.19.

Sciendum, quod constituti coram dominis proconsulibus et consulibus Hamburgensibus in consistorio //

generaliter congegratis Gheseke relicta Hermanni Staels ex vna, ac Copekinus Scroder ciuis Hamburgensis partibus ex altera,

et ibidem publice exposuerunt et dixerunt, quod licet inter eos aliquales dissensiones ac displiciencie super quibusdam piscaturie fuissent suscitate, nichilominus tamen super discordiis et displicenciis huiusmodi secundum tenorem cuiusdam certe essent totaliter et omino amicabiliter compositi petentes tenorem eiusdem certe ... librum memoriarum ciuitatis Hamburgensis inscribi. Cuius tenor sequitur et est talis:

Witlich sij allen den gennen, dar desse ieghenwardiges tzartes vorekomen to zehnde, to horende vnde to lesende, dat na der bord Christi vnses heren alze men scref XIIII^c iaer, darna in deme LXI iare am dinxtage vor sunte Bartholomei dage so hebben ghedeghedinghed de ersamen her Hinrick Kothing, her Dethlef Bremer borgermestere, Wilhelm Holthusen de oldere, Hans van Hildensen, Hinric Hane vnde Jurges Scroder borghere to Hamborg twischen Gheseken Staels zeligen Hermen Staels nalaten wedewen af ene, Kopeken Scroder borgere to Hamborg af de andere siide,

alze van der ansprake wegen, de Kopek Scroder hadde to der vorbenomeden Gheseken Staels van des waters wegen geheten de Vort vp der Vthtzeuen belegen by dem Gouwerke, dar de vorbenomede Kopeke Scroder de vorbenomede Gheseken Staels doch rede vmme beclaged hadde vor deme rade to Hamborg, so dat Gheseke Staels vorbenomet dat vorscreuene water schal beholden, vnde se schal vnde wil Kopeken Scroder wol to dancke bereden, gheuen vnde betalen soestich mark penninghe vppe desse nascreuen tijde na ghifte desser tzarters, alze XX mar pennighe vppe sunte Feliciani dach neghestuolgende, vnde XXX mark penninghe vppe Paschen darneghest komende, vnde de latesten X mark penninghe schal vnde wil Gheseke Staels gheuen Beken Bermans Kopeken wiues suster, wanner se to manne gheuen Beken Berchmans, Kopeken wiues suster, wanner se to manne gheuen werd. Weret ok sake, dat de vorbenomede Beke van dodes wegen voruelle in God den heren, dat God schicke na sinem willen, er dat se to manne gheuen worde, so schal Kopeke Scroder edder sine eruen de vorbenomeden X mark penninghe van Gheseken Staels manen, vpboren vnde entfanghen. Hirmede scholen se van deme schele vnde twidracht, den se ghehad hebben van des vorscreuen waters wegen, fruntliken to enem ghantzen ende ghescheden wesen.

To witlicheid is desser tzarters twe, de ene vth der anderen sneden dor twe bockstaue alze A vnde B; den enen tzarter heft Kopeke in vorwaringhe, vnde den anderen heft Gheseke Staels, vnde sind ghescreuen in deme vorscreuen iare am midweken vor Bartholomei.