1460.03.12.

Ik Peter Wolters borgher to Hamborch bekenne unde betughe openbare in desseme breve vor allesweme, dat ik mit wolberadenem mode deme erliken manne Alberdene Wulhasen borgere darsulves vor vefteyn mark, de ik van eme an guden telleden penningen, alse to Hamborch genge unde gheve sint, to myner nuge rede entfangen unde in myne witlike nutticheit ghekeret hebbe, redelikeu hebbe verkoft unde upgelaten mit eraft desses breves ene mark gheldes jarliker rente in myneme erve unde tobehoringhe, dar ik nu ane wone, also dat beleghen is uppe der vulentwiten orde. Desse mark rente schal unde wil ik Peter Wolters efte myne erven Alberde Wulhasen edder sinen erven alle jar wol to dancke gheven unde betalen, uppe paschen, sunder hinder unde vurder vortogeringe.

Jodoch umme sunderger vruntschop willen so heft deerbenomede Albert Wulhase my de gnade unde macht ghegeven, dat ik efte myne erven Alberde Wulhasen edder sinen erven alle jar wol to dancke gheven unde betalen, uppe paschen, sunder hinder unde vurder vortogeringe.

Jodoch umme sunderger vruntschop willen so heft de erbenomede Albert Wulhase my de gnade unde macht ghegeven, dat ik efte myne erven de vorbenomeden mark rente alle jar uppe paschen mogen wedder kopen vor vergangenen tyd mid deme hovetsummen to betalende: unde wanner ik efte myne erven dessen wedderkop doen willen, dat schulle wy unde willen deme erbenomeden Alberde Wulhasen efte sinen erven een verndeel jares tovoren kündighen. Dit is mede witlik den ersamen Hansse Werkmestere unde Hermen Ranen borgeren to Hamborch, sik des mede to verdenckende. Desse vorschrevenen stucke love ik Peter Wolters vor my unde vor myne erven Alberde Wulhasen vorbenomed unde sinen erven stede unvorbroken to holdende, sunder arghelist unde hulprede geistlikes edder wertlikes rechtes.