1455.10.13.
Vrundliken grut mid erbedinghe alles guden.
Ersamen heren, sunderges guden vrunde.
So gii van iuwer vnde vnser wegen an den hochgeborn fursten vnde heren, heren Frederico den elderen to Brunswick vnde Luneborch hertogen screuen hebben van dem dage to holdende vppe der vehere to Hislinghe amme Donrsdage vor aller Gades hilligen dage neghestkomende(1) etc.: des het de vorgenomede hochgheborne furste sin antworde van der wegen vns wederscreuen na lude der copien sines breues hirane vorwared vnde medebesloten, worane gii sine meninghe wol vornemende werden. Vnde densuluen dach hir in desser copie vthghedrucked dencken wii so gherne mede to besendende. Gode beualen wolmogende to langher stund.
Screuen vnder vnser stad secreto. Screuen in profesto Calixti pape anno XVCL quinto.
Consules Hamburgenses.
___________________________________________
erste Anlage 08.01.2005 Jürgen Sarnowsky / letzte Bearbeitung 23.12.2008 /
Bearbeitungsstand: erste Transkription, nicht mit dem Original kollationiert / für Rückfragen: Juergen.Sarnowsky@uni-hamburg.de (Jürgen Sarnowsky)
zurück zur Regestenliste für 1455