1455.10.11.

Frederick de eldere von Gnades gnaden to Brunswick vnde Luneborch hertoge.

Consulibus Lubicensibus et Hamburgensibus.

Post salutationem. Ersamen vnde vorsichtigen, leuen bisunderen. Juwe antworde an vns ghesand, inheldende, dat gij van enes anderen vpghenonen dages wegen, den gij to jdzeho bezenden moten, jegen vns amme Donrsdage sunte Gallen dage(1) de iuwen nicht schicken konnen, sunder gij willen de iuwen smme Donrsdage vor alle Gades hilgen dage neghest komende(2) to vromiddage vppe der vehere to Eislinghe bij vns hebben, begherende, dat wij denne darsulues personliken komen willen, hebben wij alles wol vornomen, vnde don iuw darvan gudliken weten, dat wij deme na inholde iumes breues, wol dat id vns zere vmbequeme, gherne don willen vade vns darna ghentzliken gherichten, vnde bidden iuw gudliken, vns dat vurder nicht to vorlettende. Dat willen wij vmme iuw gherne vorschulden.