1455.10.06.

Frederick de elder, van Godes gnaden hertoge to Brunszwig vnd Luneborg.

Vnsen gunst vnd guden willen touern. Ersamen vnd vorsichtigen leuen besundern.

Juwen breff an vns gesand inholdende van wegenn itliker visscherie, de de vnse den juwen vorbeden vnd ene darane verhinderinge don schullen, begerende, dat wij juw darumme stede vnde tijd vertekenen, dar gij jegen vns gerne komen willen etc., hebben wij alles woll vernomen. Also bidden wij juw mit besunderem flite gudliken, dat gij am Donirstage sunte Gallen dage negestkomende(1) vppe fromiddach jegen vns rijden willen wente vppe de vehere to Eyszlinge, vppe dat wij mid juw vnd gij mid vns gudlike sprake van der wegenn verhandelen mogen; wenn wij jegen juw in neynen saken vnredelick noch vngelick gedengken to sinde, vnd vns desses nicht enweygern efte verletten, dat willen wij vmme juw gerne verschulden, vnd begeren dessen juwe richtige besereuen antwerde.