1450.03.29.

1450 März 29. Hamburg.
Regest: Der Hamburger Rat an Rat und Bürgermeister zu Lübeck: senden Brief des Herzogs Friedrich von Braunschweig-Lüneburg; sind zu einem Treffen für die Abstimmung einer Antwort bereit.
Überlieferung: StAHH, B = Bergedorfer Akten aus Lübeck: Elbstrom XIV a, f. 1; C = Abschrift in den Copie Archivi, zu 1450 März 29 [danach hier]. Beschreibung: B ist Registereintrag. - C ist moderne Abschrift.
Edition: Urkundenbuch der Stadt Lübeck, Bd. 8, Nr. 682, S. 724.

Vrundliken gruet mit begheringe alles guden touoren.

Erbaren leue heren, bisunderen gude vrunde. Wij doen juwer leue weten, dat de irluchtighe here Frederick, to Brunszwig vnde Luneborg hertoge, an vns heft gescreuen iuw mede anrorende, darup wij sinen gnaden andwerde weddersant hebben, vnde sodaner scrifte senden wij iuw auescrifte hirinne vorwaret; vormoden vns, dat desulve vorste an iuw ghescreuen hebbe; begheren, gijwillen vns juwe meninge, wo wij vnas hiran hebben moghen, wedder scriuen.

Duncket juw ok, dat van noden sij so willen wij van der wegen vnsses rades gerne teghen de juwen to Oldesloe edder Santzkeneue schicken dar antosprekende, wes men vor endlick andwerde hirvan den fursten scriuen wille. Wes juw hiran gheleuet, des begheren wij antwerd.

Screuen des sondages to Palmen, vnder vnsser stad secret anno etc. L.

Consules Hamborgenses.

[Aufschrift:] Den Ersamen wissen mannen heren borgermesteren vnde radmannen der stad Lubeke vnssen guden vrunden.

___________________________________________

erste Anlage 12.07.2005 Audrey Sue Peters, Jürgen Sarnowsky / letzte Bearbeitung 23.12.2008 /
Bearbeitungsstand: erste Transkription, nicht mit dem Original kollationiert / für Rückfragen: Juergen.Sarnowsky@uni-hamburg.de (Jürgen Sarnowsky)

zurück zur Regestenliste für 1450