1449.04.10.

1449 April 10. [Lüneburg].
Regest: Der Rat von Lüneburg an die Sendeboten des Lübecker und Hamburger Rats: haben ihren Brief wegen des Schlosses Winsen, des Pfandes des Lüneburger Ratsherrn Albert van der Molen, erhalten; schicken schriftliche Antwort van der Molens.
Überlieferung: StAHH, B = Bergedorfer Akten aus Lübeck: Elbstrom XIV a, f. 1; C = Abschrift in den Copie Archivi, zu 1449 April 10 [danach hier] Beschreibung: B ist Original, mit Resten des briefschließenden Siegels. - C ist moderne Abschrift.
Edition: --

Vruntliken denst douoren. Ersamen heren, besunderen leuen vrunde.

Alse gij vns kortliken screuen van der visscherie vppe der Elue andrepende her Alberde van der Molen van des slotes Winsen wegen, sines pandes: so hebben wij bij eme van sodannes iuwes scriuendes wegen bodeschupp gehatt; de heft vns darupp sin scriftlike antworde benalet, des wij jw ware utscrifft hirinne versloten schicken, daruth gii egentliken sine meninge wol vermende werden. Sijd Gode beualen.

Screuen vnder vnsem secreto in dem guden donredaghe anno etc. XLIX.

Consules Luneborghenses.

[Aufschrift:] Den Ersamen vnd wissen heren borgermesteren vnde radmannen der stad Lubeke vnd des rades van Hamborgh sendeboden tor lesten dachuard bynnen Lubeke geschicked, vnsen besunderen guden vrunden samptliken vnd besundern.

___________________________________________

erste Anlage 12.07.2005 Audrey Sue Peters, Jürgen Sarnowsky / letzte Bearbeitung 23.12.2008 /
Bearbeitungsstand: erste Transkription, nicht mit dem Original kollationiert / für Rückfragen: Juergen.Sarnowsky@uni-hamburg.de (Jürgen Sarnowsky)

zurück zur Regestenliste für 1449