1449.04.05.
Vnsen vruntliken denst tomoren.
Ersamen heren, besunderen leuen vrunde.
Sodannen breff, alse gij vns van der visscherie wogen vppe der Elue gesand hebben andrepende hern Alberte von der Molen hebben wij demsuluen hern Alberte, so alze de nu tor tijd bynnen vnser stad nicht en iß, geschicked; vnde wes vns darupp vor antworde komende wird, wille wij jw bij vnsem eghenen boden beualen. Sijd Code beualen. Screuen vnder vnsem secreto des so nauendes vor Palmen anno etc. XLIX.
Consules Luneborgenses.
[Aufschrift:] Den Ersamen vnd wissen heren borgermesteren vnd radmannen to Lubeke vnd des rades sendeboden van hamborg darsulues to der nilkesten dachuard geschicked, vnsen guden vrunden.
___________________________________________
erste Anlage 12.07.2005 Audrey Sue Peters, Jürgen Sarnowsky / letzte Bearbeitung 23.12.2008 /
Bearbeitungsstand: erste Transkription, nicht mit dem Original kollationiert / für Rückfragen: Juergen.Sarnowsky@uni-hamburg.de (Jürgen Sarnowsky)
zurück zur Regestenliste für 1449