1449.02.20.

1449 Februar 20. [Lübeck].
Regest: [Der Lübecker Rat] an den Rat von Hamburg: Hinrich Krumvoet zu Riepenburg hat berichtet, Albert van der Molen hätte ihren Untertanen verkünden lassen, sie dürften ohne Zustimmung des Hauptmanns zu Winsen nicht auf der Elbe fischen; senden ihren Brief an die Lüneburger in Kopie und berichten von einem drohenden Schreiben Alberts van der Molen an Hinrich Krumvoet; bitten, dass sie auch einen Brief an Lüneburg richten.
Überlieferung: StAHH, B = Bergedorfer Akten aus Lübeck: Elbstrom XIV a, f. 1; C = Abschrift in den Copie Archivi, zu 1449 Februar 20 [danach hier]. Beschreibung: B ist Konzept, C ist moderne Abschrift.
Edition: --

Consulibus in Hamborch inter dominum Albertum van der Molen et Hinricum Crumuot.

Post salutacionem.

Ersamen heren, guden frunde.

Hirnik Krumuot up Rybenborch hefft vns laten berichten, wo de Ersame her Albert van der Molen sinen dener Tylen mersuogede hebbe ouergesand an Helmeken vnsen lantvoget, de em hebbe vorkundiget, dat de vnse up der Elue nicht scholen visschen, yd en beschee mid willen des houetmans up Winsen etc.

Darup scriue wij dem rade to Luneborch, alse gij vornomen mogen in der vtschryffte hir inne besloten, in welker copien wij ok merkliken beroren, dat her Albert bouen vnsen vorscreuien breff sijk an den vnsen nicht en verhale etc. Dat scriue wij hiromme: De van Luneborch heben vns kortliken hir bevoren eren breff mit ener ingesloten auescryfft her Alberts vorbenant breues an Hinrik Crumuote screuen gesant, vnder mer worden inneholdende vnde aldus ludende: „Schege id auer, dat gij sodane min vorbedent vorslogen vnde de mine vmme de visscherije anuordigeden, des ik nicht en hope, so moste ik mi van nod wegen sodanen walt an den iuwen sunder vurer clage wedder irhalen“ etc. Vnd went denne, leuen frunde, iuw vnde vns sulke sake samentliken tokomen to uorschedende, so hebbe wij densuluen van Luneborch darup gescreuen, dat se alle dons deshaluen laten bestan so lange, went iuwe vnd ere sendeboden tor negesten dcachuart binnen vnse stad dosamende komen, so mochtemen na legenheit der zeke vurder dar inspreken.

Vnd begeren, guden vrunde, dat gij vp iuwe verbeternt an de van Luneborch dergeleiken willent vorscriuen, up dat se de bet her Alberde van der Molen vorbenant deshaluen vnderwisen.

Sijt Gode beualen.

Datum feria quinta ante kathedram Petri anno ectc. XLIX.

___________________________________________



erste Anlage 16.07.2005 Audrey Sue Peters, Jürgen Sarnowsky / letzte Bearbeitung 23.12.2008 /
Bearbeitungsstand: erste Transkription, nicht mit dem Original kollationiert / für Rückfragen:
Juergen.Sarnowsky@uni-hamburg.de (Jürgen Sarnowsky)

zurück zur Regestenliste für 1449